{ العيد عاد وعايد الهمّ يعتادني }

كل عام وانت بخير

عيدكم مبارك


مساء/صباح الخير والرضا



أبيات من الجديد أرجوا أن ترتقي لتلامس أكف رضاكم

العيد عاد و عايد الهمّ يعتادني=مالي جدى غير الرضا اللي يكفّ النحيب
و نزف الشعور اللي على طول مرتادني=منشان عينايا يخوض البحور و يجيب
يبغى يسدّ الفجوة وكل ما كادني=تصرخ بوجهي كل أفام الزمان العجيب
تبدّلت دنياي والصمت ما فادني=بلادي الغربة وأنا في بلادي غريب
تحبلّي اجروح الليالي وتصطادني=و يحرجني الموقف وظرفٍ قويٍ ّ صعيب
في داخلي حزنٍ على عزلتي قادني=و حربٍ على روحي تشابه حروب الصليب
من لايع الأشوق جرّ القلم جادني=نادتني الذكرى وفاض الخفوق الرحيب
أركض ويركض خاطري ردته ورادني=و من حولي أبيات القصايد ظلالٍ قريب
وسط الورق بوحي تفجّر بي و زادني=ما كنت اكتب حرْف لين افتقدت الحبيب
غروٍ رحل عنّي وجيش الوله بادني=وقلبي تصرّم من عذاب الفراق الكئيب
والعيد عاد و عايد الهمّ يعتادني=مالي جدى غير الرضا اللي يكفّ النحيب

ونزف آخر جديد/

نـويت ارتحــل يـامــا يـــذوب الجـلــيد
...........................صليل انتظــاري ينـتفض بـي فـخر
.
تـثلـّـج طريــق الوصْـل وأصبـح جمـيد
........................و صليب الأمل حظّي نخر به نـخر
.
و فرشت الورق زرعٍ وحبري حصيد
...........................وفــكري رذاذ الـريّ مـا هــو بـخر
.
و جمعْـت المحاصـيل الوفيـره قصـيد
...........................وصنْـته لهجــــران الحــبيـبـه ذخـر
.
فــراقـه وأنــا حــيٍّ قطــع لــي وريـد
...........................ولامــاه حلــمٍ فــي حيــاتـــي شـخر
.
عـــنيـده مقـــاديـري وظــرفي عنـيد
...........................وكـل اللـيــالي جاء عـــذابه زخــر

.
كفى يا غرام!.. الشوق درسٍ يفـيد
...........................سَخَـر منـّي و قـبلـي بغيـري سـخر
.
ضلوعـي عظم ما هي سياج الحديد
...........................وقلبي عضو ما هو تراب وصخر

وسـلامتكم الجميع

أخوكم/

الـقـفـيـعـي - جليس الدار

 

 

 

 

 

 

 

 

 

 

darkred>غروٍ رحل عنّي وجيش الوله بادني=وقلبي تصرّم من عذاب الفراق الكئيب
صح ألسانك وكل عام وأنت بألف خير و( حب )

 

 

 

 

 

 

 

 

 

 

عـــنيـده مقـــاديـري وظــرفي عنـيد
...........................وكـل اللـيــالي جاء عـــذابه زخــر

نزف قلم رائع ..
بارك الله فيكم ..