مرثيّة امير الامراء

مرثيّه في فقيد شمّر فقيد الطيب والوفاء والشجاعه والكرم والشيمه والحميّه والانسانيه امير الامراء العزيز الغالي سمو الامير طلال بن عبدالعزيز بن سعود بن عبدالعزيز ال رشيد طيّب الله ثراه واسكنه فسيح جنّاته0
ابو نواف

اللي بقي من دمع ياعين هلّيه =========== خلاص منهوله بعد تذخرينه
لابارك الله بالجزاير واهاليه =========== خذت عزيزن ماتردّت يمينه
كل الخصال الطيّبه مركزه فيه =========== اصله وفصله واتّباع لدينه
علمن لفانا وسط الاخبار طاريه ========== والكل قال ان الخبرسامعينه
حتي تبيّن وانكشف كا خافيه ========== واستلهبة كل الجروح الدفينه
في موت ابو نواف منهو نعزّيه ========== الطيب والا اهله والا المدينه
جميع من في قلبه احساس ينعيه========== اهل الوفاء واهل العقول الرزينه
يرحمك ياقلبن رفع شان راعيه ========== عسي الولي ينزل عليه السكينه
بالازمه والخير تبذل يمانيه ========== يبذل ويخفي ماتقدم يدينه
ريف الضعيف اللي زمانه مشقّيه ========== وابو اليتيم اللي فقد والدينه
ملاذ من زادت وكبرت بلاويه ========== ولا لقي بين العرب من يعينه
وافي وكل اللي قرب منه يغليه ========== دايم ربوعه ياضعه وسط عينه
ويوم المصيبه ما ذكر غير واليه ========== تشهّد وشهد معه شاهدينه
يالله عسي بجنان خلدك تجازيه ========= اللي بنور الدين يضوي جبينه
طلال و اعياله تكمّل مساعيه ========== مامات من خلّف من يسد دينه
عسي الحسد والبغض والغدر يكفيه======== ربي ويلعن كل نفسن لعينه
ومهما الزمن يقسي وتكثر عوانيه ========= دام الهواء داير تسير السفينه

وسلاااااااااااااااامتكم

 

 

 

 

 

 

 

 

 

 

الاخ صلاح صح الله لسانك ورحم الله طلال في رحمته الواسعه

والاميرطلال مكانه شاغر ولن يجي مثل طلال

 

 

 

 

 

 

 

 

 

 

لابـارك الله بالجزايـر واهاليـه=خذت عزيزن ماتردّت يمينه
كل الخصال الطيّبه مركزه فيـه=اصله وفصله واتّباع لدينه
علمن لفانا وسط الاخبار طاريـه=والكل قال ان الخبرسامعينه
حتي تبيّن وانكشـف كـا خافيـه=واستلهبة كل الجروح الدفينه
في موت ابو نواف منهو نعزّيـه=الطيب والا اهله والا المدينه
جميع من في قلبه احساس ينعيـه=اهل الوفاء واهل العقول الرزينه

الشاعر صلاح الاسلمي
صح لسانك ودام عزك يالاجودي
عزالله اللي كفيت ووفيت
وعسى الكريم الغفور يغفر لعبده
للامير : طلال الرشيد
رحمة الله عليه

 

 

 

 

 

 

 

 

 

 

صح لسانك الف يالاسلمي

والله يرحم اميرنا صاحب اليد البيضاء في كل مكان

 

 

 

 

 

 

 

 

 

 

صح لسانك يالأسلمي
والله يرحم الأمير طلال ويسكنه فسيح جناته

 

 

 

 

 

 

 

 

 

 

صح لسانك يابعدي

ولاهنت......

 

 

 

 

 

 

 

 

 

 

السلام عليكم :





صلاح


صح لسانك

وسلمت يمينك

قصيدة رائعه بكل معنى الكلمة ...

زادت ذكرانا ألما وكمدا لفراق طلال الرشيد رحمه الله ..

==========اصله وفصله واتّباع لدينه
=========والكل قال ان الخبرسامعينه
=========واستلهبة كل الجروح الدفينه
=========الطيب والا اهله والا المدينه
=========اهل الوفاء واهل العقول الرزينه
=========عسي الولي ينزل عليه السكينه

نسأل الله ان يتغمده بواسع رحمته وان يغفر له ويجعل مثواه

جنة الفردوس الاعلى مع النبيين والصديقين والشهداء والأبرار ...

رحمك الله يابانواف وبارك الله في ابنيك نواف وعبدالعزيز وجعلهما كما كنت

تحب ان تراهما عليه وان يزرع فيهما خصالك وطباعك ونفسك الرفيعة ويدك الممدودة للخير دائما

وقلبك الكبير التقي وعقلك الحكيم المعتلي ...

رحمك الله برحمته الواسعه وجميع موتى المسلمين

 

 

 

 

 

 

 

 

 

 

الف الف شكر لكم جميعا علي تواصلكم وعلي مشاعركم وكل ما ابديتوه اتجاه الامير طلال ال رشيد رحمة الله عليه واتجاه ما ابديته لكم مما افاضت به القريحه ولو ان المشاعر لا تستطيع ان تعبر ما بجوفها لئن الحدث كان اكبر مما نتخيله ان يحدث 0
وشكرا لكم (علوش؛دافي البوح؛سيف الطنايا؛ متعب الخريصي؛المسعودي؛ بلقيس) لاهنتوا 0

 

 

 

 

 

 

 

 

 

 

اثرت المواجع والجورح صح لسانك يا صلاح

 

 

 

 

 

 

 

 

 

 

صح بدنك يالاجودي 0
واللي مثل طلال رحمة الله عليه لا ينمحي ذكره من الذاكره وبودي لو اكتب كل يوم فيه مرثيه 0
وعسي الله يرحمه ويرحم المسلمين اجمعين واشكرك يالاجودي علي حضورك 0