مساكم الله بالخير
من العايدين قبل الزحمه
وعساكم من عوادة العيد
واحب ان اضع بين ايديكم هذه القصيده
واتمنى ان تنال على اعجابكم
الشعر مثل الشمس للكون يضوي=كم واحدن يطرد قوافيه واخطاه
وكم واحدن من زين الامثال يرهي=يغرف بحر والقاف يعطف وينصاه
وأنا عشقت الشعر من عادني صبي=قافه تبناني ورافقت ممشاه
واللي بصدري للشعر ماهو شوي=أنا أشهد انه بالمثايل تغشلاه
لياصار همن داخل الجوف يكوي=وألا هواجيسن تحده وتبراه
وألا جروحن لوحملها جبل طي=يمكن تهده من عواليه لادناه
أدله معه والشعر يسقي ويروي=يروي معاليقن ضمت تنتظر ماه
ياخذني الطاروق بالليل نسري=أسري معه بالليل لوطال مسراه
وليا أنبلج نور الصبح وأقبل الظي=أنسى الجروح وينجلي الضيق وأنساه
كني لحالي والفضا مابه الحي=وأسجد لوجه الله وأنا خاشع أرجاه
تحفظ لي اللي ماحرموني ولاشي=أمي وابوي هم مهجه القلب ومناه
يومي صغيّر مارضوا لجسمي الكي=أسهرتهم واليوم اسهر على رضاه
حقن علي أتعب لهم دامني حي=وان مت يبقى الشعر والناس تقراه
وسلامتكم