مساكم الله بالخير
احب ان اضع بين ايديكم هذه القصيده
وهي قديمه واتمنى ان تنال على اعجابكم
هب الهوى وانزاح همي ولاهاج=على البحر فكري تزايد حنينه
عللت نفسي مع تصاريف الامواج=لين أنشـرح صـدري وبيّـح كنينـه
ماني لزلات المخاليق هرّاج=الرابح اللي ماحدنه سنينه
الصبر للي حالته مالها علاج=يلقى الفرج ويزول منها ونينه
وأنا خذيت الصبر ياخوك منهاج=لوأن عيني ماروت من ظنينه
وأنا ظنيني حدّته دوني أفواج=ثم نسّته ماكان بيني وبينه
لولا العواذل شيدو دونه سياج=سياجهم من حكيهم حاكمينه
للحكي والغيبه يضوّي لها سراج=فتيله الملوي رمى بي غبينه
الله عويني لاغشا القلب وهّاج=أدله وأخلي من سباني بزينه
والنفس لاضاقت لها دوم مخراج=ويالله عساها من شتات لسكينه
وسلامتكم
عللت نفسي مع تصاريف الامواج
العرض العادي
