بعد السلام وأرقى عبارات اللقاء والاحترام
مساء/صباح الخير والرضا
من رأس طعس برزان شمال حائل على طريق الجوف خلال أيام العيد الماضية كان موقف القصيدة
أبيات من الجديد أرجوا أن ترتقي لكي تلامس ولو شي بسيط من رضاكم:
يا قلبي المسجون يا طلق الأحزان=يا متعب ادموعي على كثرة السيح
اطرد وراك و كل طرّاد لهفان=اليا متى نجمع شتات المجاريح
نركض شقى من غير طربة وسلوان=أنصحْك لكن ما تفيد المناصيح
حبّ ٍ دخلك ولا أنمحنى عبر الأزمان=زرت البلاد و دجت كل الصحاصيح
زود ابتعادي صار ذكرى وحرمان=كنت الطليق اللي على هبّة الريح
واليوم اسير ابواقعي تقل حلمان=صدق المحبة تشبة لنبتة الشيح
تسوق باغيها على كل وديان=و نوبٍ عقب كل العناء والمراويح
يرجع مدوّرها على البيت خسران=وأنا تلا اغيابي رجوعي على ميح
ما عاد باقي لي فكر دوم حيران=ما غير سرحانٍ وفرّ المسابيح
وألآحي الورقى على روس الأغصان=وأبدع من القيفان واونّ واصيح
وأجلس بركن الدار هايم وولهان=أصفق كفوفي واقعد و قوم واطيح
طيحة غرم ماهي بضعفٍ وخذلان=كل السبب فقدان سيد المماليح
سبّتْه كنت إنسان واليوم أنا إنسان=و لو لا العواذل كان صرّحْت تصريح
أعلن حقايق قصّتي قدْم الأعيان=أبي السلامة عن ملام المشافيح
أبحرْت في بحر الهوى ابغير ربّان=لين الضياع أسبل دموعي سوابيح
وأصبحت لا ناجي ولاني بغرقان=محتار قدّامي جياع التماسيح
و خلفي تلاطم سابح الموج غضبان=والصمت في حيرة حداد الذوابيح
ما يحرق أرواح البشر كود وجدان=العشق بابٍ والملاقى مفاتيح
و عزّي لمن مفتاحه اليوم فلتان=في سكّةٍ ظلمى خلت من مصابيح
و كلٍ على ليلاه غنّى بالالحان=وأنا على فرقاه أغنّي تباريح
وســـلامتكم الجميع
أخوكم/
الـقـفـيـعـي - جليس الـدار
.gif){kind=icon}
{ العشق بابٍ والملاقى مفاتيح }
رد: { العشق بابٍ والملاقى مفاتيح }
العرض العادي
