،،
،
اسعد الله مسسسسساكم والصباح
اليوم اطرح بين ايديكم هذه القصيده ولها مناسبتها الخاصه
رغم اني لا احبب هذا النوع من القصائد لكن اجبرت عليه
على اثر محاورة في احد الاماكن
فأقبلوها كما هي // مع التحيّه
،،
،
عيّيت اعدي كلمتن دقت نواقيس الخطر=قد قالها اللي ما قدر يلجم وهج تنورها
يااا؟انت وقف والتفت لي،، لاملاذ ولا مفر=وشلون تهزا بالمبان اللي عظيمٍ سورها
ان كنت عزوة لابتك ومكنٌين حالك صقر=حنا الحرار اللي ضربت روس السهام نحورها
وان كان كفك يرتجل في محفل ربوعك سطر=حنا الكفوف بضربها تبري غليل صدورها
ياهيه يا شبه ادمي لا تلتفت خلك حذر=وقف مكانك واستمع هرج الرجال وشورها
استغفر الله لابتي ما فيهم اللي يعتذر=لا صكت الهيجا على درب الرخوم شبورها
ما فيهم اللي مهرته تقصر عن الموت الحمر=اللابه اللي لأنتخت تجبر هشيم كسورها
كم من ذليل بضلنا عدا على روس الضفر=كم ديرتن بأقدامنا غابت ملامح دورها
كم من وحيد ن) مبتلي في عزنا ساد وعمر=كم من عسيرات البشر في ضلنا ميسورها
اهل الوفا واهل الصفى واهل الضفر واهل السطر=واهل الديار اللي بها شباب يقدح نورها
اهل المكارم والكرم.. من قال خوذه بالبشر=غير الكريم الصيرمي سيد حرار صقورها
عبد الكريم اللي على صفين الانداد انتصر=يوم الغزات احتلته غيٌب معالم دورها
ماريد اعدد لابتي فديت ذربين الخبر=فديت شمر عزوتي بغيابها وحضورها
مدري وش اذكر للملا عن لابتي ما ينذكر=وان ما ذكرت امجادها تاريخ يسبر غورها
من ما حسب للعاقبه بأول مسافاته عثر=واللي تهاون خصمها تارد حضان قبورها
صحيح لو قال المثل كلن على ساسه عبر=شهب الحرار ان تفرقه من طيب ساس جذورها
من غير قاصر بالعرب كلن على وقته ضفر=الطيب واحد والملا بأفعالها مخبورها