السلام عليكم ورحمة الله وبركاته
اما بعد اعتذر عن الغيابات المتتاليه ولكن يعلم الله انكم فالقلب ,,,
لا بارك الله في عفيف ومبانيه = ان كان خلي فالمحبه كفربي
خلي اخذ عقلي وقلبي يباريه = وباق الجسد عافت غذاها وشربي
والصدر يالمجمول ضاع النسم فيه = والصوت ضاع وكل شيً عسربي
من صدمت الموقف خويي مجافيه = عفت الحياة وعفت وجهات دربي
أمسيت مثل الهرش وان جاز راعيه = كبه " وخالط له " على الحول جربي
حاله هزيل وصارم القيظ حاديه = فادر ولاينفع ولو حط ركبي
وياوجد حالي عقب خلاه غاليه = وجود شيشاني على يدين صربي
ويازين امانه قبري انك تساويه = قدام بيتك والهوا دوم غربي
والله يبيحك دام قلبي مجازيه = عقب الغلا والود ضيعت قربي
وسلامتـــــــــكم ,,