((لجل عينك))
جفت أقلامي وأنا مالي بهالدنيا نطيح=ياشعري أقبلها كذا مادمت أعرف حقوقها
نوخ ركاب القوافي وأقبل الهرج الصريح=السما يوم أظلمت لاحت علي بروقها
ياخفوقي لايهمك وأضرب الفج الفسيح=وأدله الدنيا قصيده يخلفك طاروقها
حالفٍ ماردها في خاطري لوهي مديح=والبشر عند الفضيحه ماتصك حلوقها
وأنا أحمد الله ماحدتني دنيتي حول المطيح=وأن غزتني بالخفا عيب علي أبوقها
يازمان الحب وشبك صاير طبعك شحيح=أن عطينا ماجزيت ألا الدروب تعوقها
الجفا سمٍ يسل الروح يالوجه المليح=لو تشوف الخرب قدمك لاتفك سبوقها
لو عرفت أني بردك جبتها لك بالفصيح=مابدعته لو بكلمه بس غصب أسوقها
لجل عينك والعلاقه لا توليها الضريح=والله أن العين عقبك ماتكف رموقها
أدري أنه غصب عنك بس عيت تستريح=نفسي اليوم أشغلتني فاتحٍ صندوقها
لكن الذمه بريه كل ماقمنا نطيح=علها مليووون خيره والسعاده ذوقها
وألا أنا بطلق ركابي وأضرب الفج الفسيح=يارساله علميها ضايقٍ معشوقها