مساء الخير
هذه القصيده مهداه إلى أهالي منطقة حائل
آمل أن تنال على أعجاب ذائقتكم الشعريه
قال اللذي يعرف مقاصد ردودها=مايعسره صعب القوافي وكودها
يبدع جزيلات المعاني ويحكمه=يوم أن غيره جاهلٍ مقصودها
أمشي على دروب النشاما وأبتعد=عن خوةٍ لي ظاهر منقودها
وأن سولفوا بين المواطي والثرى=كلمة قفا ما يجهلن مردودها
تشوم نفسي للثريا تعتلي=لو تختلط بيض النوايا بسودها
معذور دامي شمريٍ وأنتمي=لحايل فدينا أرضها وحدودها
دار سكنها منبع الجود والصخا=حاتم ويكفي لو نعد جدودها
نبع الوفا جزل العطا راع الكرم=فيه المثايل قاصرٍ مجهودها
ولليوم أهل حايل مقر للعطا=ناس تمد ولاتحسب عدودها
حضر وبدو توارثوا كل الصفات=اللي تنومس بالذكر من زودها
ماهو ريا وألا سوالف طيبها=زرها وحدد بخلها من جودها
فيهم سماحه والوفا طبع لهم=وصلبين لوهبت ذواري نودها
طبع لهم متوارثينه من قدم=يفدون حايل من قديم عهودها
حايل فخر حايل ذرى حايل وطن=حايل وعشبه زاهيٍ بخدودها
حايل هواها طيب كمبودي لنا=والماء الزلالي صافي بعدودها
واللي سكنها مايطري فراقها=يدعي لها عسا السحاب تسودها
وأليا سقاها الله بغيثه والمطر=صارت لنا جنة نعيم نرودها
حتى السهل من فضل ربي مرتوي=عقب المحل نبته تقاوا عودها
زين الخزاما والنفل لوتنظره=بعرض الجبل شوف الجهق بحيودها
هي دارنا هي أمنا له نحتمي=زهت تغنت بالأمير سعودها
أنا أشهد أنه لبسه ثوب الجمال=اللي زها به والجبال شهودها
نهض بها نهضه عجيبه وجعله=عروسة لأهل الشمال بجودها
والله يرحم من جمع شمل العرب=خلى البدو تمشي بأمان بذودها
عبدالعزيز اللي قطع كل الفتن=أرسى قوايمها وحد حدودها
والله يعز اللي رفعنا للعلا=صقر العروبه لاشتعل بارودها
مني لابومتعب سلامي وأفتخر=مليكنا وأزودها وأزودها
تسلم ياأبونا يامليك المملكه=ولا هنت والله وأختمه بورودها
وسلامتكم
عمر الهمزاني
حايل فخر حايل ذرى حايل وطن
العرض العادي
