؛؛مدخل؛؛
أسكني بالقلب والعالم وراه
والضلوع إليا بغيتي ضمتك
مايكود الحال دام أنتي دواه
ومايزين الحال غير بجيتك
((ليل الاشواق))
ياصغير السن قلبي ماأهتنى ليله=أرفق عليه...وألا ناويٍ تشلعه
من قبلك الحب عافتنا مداهيله=ومن بعدك الحب قلبي يتبعه
صرت أسهر الليل وأعسف كل تفعيله=أقلط هنا بين المحاني وأسمعه
يزهى بك القاف وتغني مواويله=كلي فداك أنثر حروفه وأجمعه
ياليل الأشواق وألا القلب ياحليله=شايم عن الغيد دامك مطمعه
مير المصيبه إليا غبتي وش الحيله=البعد علقم وأنا خافقي يجرعه
أن جيت أبسلا عن الشوق وتفاصيله=قلبي إليا أقفيت شيٍ يمنعه
نساير الوقت ثم نرجي مقابيله=حبل الجفا ليت الوصل يقطعه
مصير الأيام تفضح كل تعليله=لوأنها بعض الحقايق موجعه
وأن هزك الشوق مايحتاج تحويله=في يدك جوالك وصوتي تسمعه
وأن كنت مقفي تلثم وأنسف الشيله=ومن قبل لاتروح حبك بأنزعه
؛؛خروج؛؛
قلبي المجروح لاتبحث خفاه
أشهد أنه ضايقٍ من سبتك
ماهقيت الوقت يسعدني نباه
طالبك لاعاد تخلف هقوتك