رواد هذا الصرح الشامخ
مساكم الله بالرضا والمسرات
اعتذر عن غيابي الخارج عن الاراده بسبب الضروف الخاصه
وبفرحة ملك القوب ينور سمانا وننسا الضروف ونقدم له هديه صادقه من مشاعر صادقه
بديت بسمٍ جميع الناس يرجونه=الله وليٍ ولا غيره لنا والي
الواحد اللي يسوق الريح ومزونه=ربٍ على الناس كشافٍ ومتعالي
بديتبه والتجيله واطلبه عونه=يالله تجبر حروفي وسط موالي
ومن بعد ذكره هجوس الشعر مضمونه=هاجس يحضر وهاجس راح خيالي
سجيت قافي لبو متعب على هونه=من فكري اللي لجزل القاف مدهالي
من فوق ركبية القيفان مزيونه=يوم امتطاها جزيل القاف غنالي
ابيه يبقى فخر للي يعدونه=تاريخ عودت ملك يسعد بها البالي
ربيع الاول يوافق يوم عشرونه=نور سماء المملكه في شهرها الحالي
الاربعاء ماحلا ساعاته ولونه=يومٍ على الشعب غير وشمسه ظلالي
عودت ملك بالفرح والحب مقرونه=عبدالله اللي كفوفه بالعطاء زلالي
من عقب رحلة علاج نشاهد عيونه=عافاك ربي لنا يالحاكم الغالي
ياسيدي عودتك للدار ميمونه=برق الفرح في سمانا يشعل اشعالي
ياسيدي عودتك عيدٍ يسمونه=عيدٍ يسميه شعبك بالفرح نالي
ياسيدي عودتك بالمسك مدهونه=شوفتك عطر البلاد وغيث وبًالي
ياسيدي عودتك غيث بسماء كونه=الشعب بك يحتفل ياطيب الفالي
يمناك ياسيدي بالخير محضونه=يمناك غيثٍ لقاص الشعب وأموالي
كم من يتيمٍ يسير بروح مغبونه=وقًفت دمعه عقب ماسال همالي
كم من يتيمٍ فقير تزيد عربونه=تعطيه مايبتغي وتغيثه أموالي
كم شايبٍ جاك يشكي لك من ديونه=رجع يحمل الفرج بالشيك طوالي
كم من سجينٍ تورط داخل سجونه=تطلق سراحه وعفوك مابعد زالي
ياخادم البيت شعري تعجز فنونه=وصفك بحر معجزٍ مقدر على التالي
لاكن عسى الله يديمك للوطن عونه=ويعزك الله لنا ياسمح الاقبالي
محبكم/سلطان سعد النومسي
ربيع الاول يوافق يوم عشرونه(تاريخ عودة ملك)
العرض العادي
