الإخوه الأفاضل تأخرت في نشر هذه القصيده رغم جاهزيتها من فترة
لكن مانقول إلا عسى المانع يكون خير
حبيت اتواصل معكم بهذه الوطنيه بإسم خادم الحرمين الشريفين
وهي بعد عودته من الرحله العلاجيه إلى أرض الوطن
أتمنى أن تحوز على رضاكم
كما لاننسى أن ندعو لمليكنا المحبوب بالشفاء العاجل لأنه الآن سوف يجري عملية تثبيت عسى الله يقومه بالسلامه
برق المشاعر في قلوب الرعايا=إستلهمه فكر ٍ صدح بالميادين
وأرزم خفوقي من جميع النحايا=بالصوت يصعق شرذمات المعادين
ثم إنهمر قافي وجتــْـه السرايا=بقدوم قايدنا طليق الحجاجين
بقدوم من يسكن قلوب الرعايا=يكفي فقط لحظة وصوله براهين
شفتو بلادي من جميع الزوايا=نشوة فرح عمـّـت جميع الدواوين
فرحة وطن والشعب جتــْـه الهدايا=عمّـت جميع الشعب والناس راضين
أمر ملكنا والأوامر مزايا=والخير من كف الملك صار خيرين
أثرى صناديق الوطن بالعطايا=حتى أنتعش كل الوطن بالمضامين
وأعفى ملكنا مابغى له جزايا=عن كل معسر مثقله شيلة الدين
والشعب كلـّه بالمدن والقرايا=طارو فرح كن الأوامر جناحين
وإن جيت أبذكر منجزاته ثرايا=خارج نطاق المملكه خذ عناوين
أوجد حلول إلمعضلات القضايا=والحل عاجل مارضى قول بعدين
قال إلحماس وفتح صفو نوايا=تعاهدو في بيت من له مصلين
لاتتركون إبليس يرمي شظايا=تعوذو بالله من أمر الشياطين
وأمر بإغاثات ٍ تعم الظمايا=اللي تحت ظغط الكوارث مساجين
أعطى حلول ٍ عاجله للضحايا=وأوجد علاج لكل منهم مصابين
ومد اليمين وحث كل المطايا=لمكافحات الفقر هز الموازين
هذي بعض من منجزات ٍ ملايا=بادر بها من منطلق وازع الدين
يالله عساها دافعه للبلايا=وتمدد بعمره على العفو واللين
وختامها مني صلاة وتحايا=على رسول ٍ خاتم ٍ للنبيين
ممدوح بن زايد القدهي الشمري