؛؛مدخل؛؛
الـكـذب خـيـبـه...غيبـتـك أثرت بي
وشـلون أحس أن المعـاليق يِباس
حـتـى القوافي شالـتـن وعـثرت بي
مـاكـنها في مامضى تـجـهـل الياس
(مداهيل الاطلال)
الحب رحله في مداهيل الأطلال=دام الأمل وسط الحشا يشعل إشعال
وألا الرجاوي منزله قلب رجال=في جوف صدر ٍمايخون الموده
وشلون أسلي ساهر الليل عنها=والصدر يطري لي ليالي زمنها
ماتصفي الدنيا على اللي ومنها=دام المحبه وسدتها المخده
هي تسألك يانجمة الصبح عني=هو يشغله عذر الرجا والتمني
هي تحترق لو يآصله بيت مني=وألا الغلا في قلبها مايحده
أن عاتبت ياطير الأشواق قل له=حبه على مر الليالي...محله
وسط الحشا وأشواقنا مستظله=بالطيف...دام القافيه عند حده
قالن طيوفك: عقب الابيات..تبكي=ماله جدى..غير أنها اليوم..تشكي
ومن دون أهلها للمعاليق.. تحكي=قصة غرام ٍبالحشا مستبده
حالن ظروف الوقت دونه ودوني=وشلون ترحل بالأماني بدوني..؟
وش حيلتي لو ضيق القلب كوني..؟=يالله دخيلك والعنا من يرده
كانت معي وقت الرخا كل ساعه=والقلب يسلا لا توسد ذراعه
ماكان يدري عن زمان القطاعه=طير الوصل من بيننا..كيف هده..!
كانت تضيق لضيقتي وألتياعي=أم العيون الساحرات الوساعي
هن مهجتي هن لهفتي هن ضياعي=غابن وقلبي بيح اليوم سده
كانت تميز...غير مظهر خواته=في (ملبسه) في (غدفته) في (عباته)
وأمه...تحبه ماتخالف وصاته=راحت وذكره بالمعاليق مده
ياحبنا لا تسألن عن عذابي=الصد مبطي بالطواراي سرابي
غير العنا اللي بالظليمه سطابي=لاصار ضامي..؟ يارد الجوف عده
الوقت لو يسمع تناهيد الأحباب=مايترك اللي يجرح الخد سكاب
لو كان طعمه في مشاريه وعتاب=كلش ولا لو يصبح الصد نده
لا قلت ياليل الجفا عاد يكفي=نور المحبه عقبه اليوم مطفي
ماعاد فيه اليوم شفك وشفي=الحظ صار اليوم ضدي وضده
يانفس يكفي من معاذير الأحلام=اللي بقى مايحتمل سج الأقدام
واللي رحل مايرجعه عض الأبهام=كلش رحل...غير الغلا والموده
؛؛خروج؛؛
الطيف عاقبني على (خير ياطير)
اليوم عقب مفارقك كيف يقوى.!
أقولها..وأنـا عـلـى نـيـة الـخـيـر
لاصار بايعـني (على شي يسوى)
بـ أودعه بين (الامل والمخاسير)
دام الصراحه بآخر الحب..بلوى