رد ابوجمال على قصيدتي بهذه القصيده الرائعه
يوم جيت البرق المنشور حصلت الهديه=من كبيرين البيوت ومن بعيدين العلامي
صاحبٍ يشكي ضروف الوقت والدنا فضيه=دام شمر من جبل حمرين لجبال العصامي
واعتزى في لابةٍ يوم العصور الاوليه=تفتخر بالشعبتين وبالحيسه واليدامي
والكرم يوصف باخو سبلا وفعل الغايريه=لخو صلفه يوم كون الجوف جانا من سنامي
وعصرنا هذا فخرهم بالامور المعنويه=حصلوا كل العلوم الطيبة شرقٍ وشامي
وصاحبي علوش ابن وسمي هجوسه شاعريه=واول الموضوع سامي واخر الموضوع سامي
اما انا ياشمريك فزعتي لك عنصريه=كان حددت الهدف تر صاحبك رجلٍ عصامي
مع طريق اللي بعث مندوب يم الخالديه=قال لبو ابطين ينشدها وش اخبار المنامي
ابشر بفزعة رجل صامل وشيمة ضيغميه=قبل تزهمني تحصل مخطري بالنار حامي
بس شرط ان الهدف ماهو من اطراف السميه=شرط ماهو من بني عمك ولاهو من عمامي
وكان دعواكم خصوصيه ترى الذمه بريه= من فضل ربٍ عزل نور النهار عن الظلامي
اتدخل بينكم بالخير والختم التحيه=جملت بالياسمين وعنبر بمسك الختامي