السلام عليكم ورحمة الله وبركاته
ياحبيبي دمع عيني لك يهلا = الصويب البارحه عينه سهيره
والله ان العين منكم ماتملا = وروح مجنونك من الفرقا كسيره
وان نويتو يالغظي عني تخلا = أعرف ان الحال من بعدك خطيره
ياشبيه المزن لامنه تعلا = يالنجوم الليل في العشر الاخيره
يازهور الورد يابدراً تجلا = ياملاك الكون فالعين البصيره
عن سموم القيظ رمشك لي ظلا = وعن رياح البرد يدفيني هجيره
كيف حبك ياهوا بالي يخلا = كيف قلبك سج عن ضحكت عشيره
ياحرام ان كان في حبي تسلا = ياحرام العين يالغالي ضريره
رد للعذال لا وألفين كلا = العواذل بيننا صارت كثيره
ويش عذرك بعد ماحبك تولا = وصاب قلبي والاجل قرب مصيره
ويش ابي فالعمر لاقمت أتحلا = كل ماضي العمر ذوقني مريره
فدوتك كل الحضر مع جيل هلا = كلهن واتلى ضحاياهن سميره
وعل يفدونك بنات البدو علا = الطويله فدوتك قدم القصيره
وكان قصدك بس ياخلي تغلا = لجل عينك نصرف الدولار ليره
وســــــــــلامتـــــــكم ,,
رد للعــذال لا.. وألفين كــــلاّ
العرض العادي
