تاريخها15/2/1422
للتواصل لعل ترتقي لقلوبكم النقيه
الله على اللي بالصناعه يغطي=عطوه ميزة فن عالي جودها
صنع الخواجه بالفكر موترطي=في صنعة الفكسار خبره وفدها
وزنة بلوفه بالسياسه ربطي=لاداسله كبس الهواء يستردها
ترفع عيار الزيت لامن ضغطي=وسط المحرك والحراره تجدها
اليادعسله سايقه ثم شفطي=كنه هدير السحب يرزم رعدها
اليشتبك ترسه ودز وفحطي=ثم اعترض فوق الحزوم وجلدها
يعجبك زوله بالشكل منحنطي=صنعة خبيره ماتلعوز قصدها
شد الكروزر واعتمد واشترطي=شده بعلم الفن ميزه وجدها
هو منوتي يم الحفر لاصفطي=في ليلة ضو القمر مستمدها
يلفي لبو مشعل ويعطيه خطي=ببيات مكنون الضماير سردها
ابيات شعر من قراها ينطي=موزونة البيتين محدٍ نقدها
تسند لبو مشعل بزرف يحطي=فيها سلامي نبذة في سندها
ياعل تاصل بالسعاده توطي=تباشر الغالي وينشر سعدها
فيها اشتكي ياخوك هم موطي=هم وطا صلب الضلوع وفردها
بالسعود قالو قراري مبطي=واصبحت مابين الرجا واعتقدها
مثل اللذي يرجي مريضن مخطي= عنه الشفا مخطي وروحه فقدها
صارت حياته بين ربعه تقطي=عزو عن المعلول حزة ضهدها
تم الجواب اللي نظمته بخطي=من فكري اللي هاض يوم اعتمدها