بسم الله الرحمن الرحيم
السلام عليكم ورحمة الله وبركاته
نص من وحي الإجازه وخارج حدود الوطن ,,
أحدٍ يقول الحب هو كذبة إبريل = وأحدٍ يقول أصدق شعورٍ يلازمك
وناسٍ تقول الحب ساس الغرابيل =وناسٍ تقول الحب يفرج تأزمك
مؤجز وانا بعطيك عنه التفاصيل =وأنت استمع وانا على القاف عازمك
الحب حظٍ في شروك المحابيل = واقرب من كفوف اليدين لمحازمك
مثل القدر غيب السنين المقابيل =ولوّ بارزك بالسيف لا بد هازمك
دايم وله بين المحاني مداهيل = لا راح نصف الليل يبداء يرازمك
ياما شكى ظلمه إرجالٍ مشاكيل=لوكان عن بعض المشاريه خازمك
وإن مال غصنه في يدين المهابيل = ضاع الثمر والا انت ضاعت لوازمك
تبطي تجر إمن الغبينه مواويل = تبي السعه لكن على الهم حازمك
وان شب ناره ثم جاب المعاميل = الليل طال وهم الاحباب لازِمك
مدري ولكن المحبه تهاويل = تكبر معك وتضيع لحظة تقازمك
فهد الغنام الشمري
11/8/1433هـ
..