قم يا فهد زين من البن فنجال
زين لنا الفنجال و العمر زايل
بدلال رسلان ن به الهيل يختال
يشدن الوصف ارقاب جيش اصايل
ليا شفتهن تذكر علي ذيك الاجبال
ويطري علي بالذات يابوك حايل
اللي لها قلبي من الصغر ميال
دار النشاما كاسبين النفايل
دارن لها منزال ويا واي منزال
منزالها وسط الضلوع النحايل
ديرت هلا بالضيف ما هل همال
وعداد ما نبتن نبت بالمسايل
دار الصخا يوم المجاعه والاهوال
وسجلها التاريخ قول وفعايل
من غير قاصر وكل دارن به ارجال
وادخل علا الله ما زحمنا الحمايل
لاكن اشوف الموقده صمته امثال
وكنه تقول السالفه له دلايل
انحت صخر تبقا مع مر الاجيال
والطيب بين الناس قاصر اوطايل
ومن شانها نشرب من البن فنجال
دارن بها حسن المكارم فضايل