( فنـدق رافــال )
ــــــــــــــــــــــــــــــــــــــــــــــــــ
ياسلام الله على زين الخصال /
ياعرب مامثلها كود الظبي /
بنت عزا تاخذ عقول الرجال /
بالجمال وبالدلال اليــعربي /
شفتها في صالة الفندق رافال/
وقربت مني وانا وسط اللوبي/
ودها تجلس ولاتفتح مجال /
من بنات الماركة لندن دبي /
ماقويت اصبر واعديها محال /
فتنة من زينها تسبي سبي /
شل فكري تفاصيل الجمال/
وضعت منها وضيعت عربي/
ناظرتني وجلست والحال حال /
والثواني كنها تحبي حبــي /
حاولت نفسي بدايات المقال /
وكل حرف بالكلام يمر بي /
قمت انادي صوبها بنت الحلال/
قالت اهلا وسألتني وش تبي؟ /
قلت عندي لوسمحتي لي سؤال /
قالت أسأل..وانتبه تصبح غبي /
قلت انا من هالعرب اهل الشمال /
النقاء والصدق هذا مذهبـي /
يوم قلبي فز صوبك واستمال /
ليت والله لو تحقق مطلبي /
الصراحه في حياتي راس مال /
والخديعه نار همي وغضبي /
ياجميله وانتي اشبه بالخيال /
قولي احبك ياعيوني واكذبي /
قولي احبك واذكري فندق رافال/
وانا بغني مذهله مع مطربي /
ــــــــــــــــــــــــــــــــــــــــــــــــــ ــــ
وســــلا مــتــــــكم ,,,