يا زيد انا جيت الطبيب المداوي = اطلب علاج و صار بالامر تعقيد
يا زيد زوّدت البلاوي بلاوي = اسباب مزيوناً بقسم المواعيد
اسباب من كنه عيون النداوي = امفرّح الصقّار لا طالع الصيد
وقفت ماني بالوقوف امتساوي = اتابع النظرات و اصد و اعيد
قالت مريض؟ وقلت لالا هواوي = كيف المريض يغازل البنت يا زيد
قالت مريض اعصاب ماهي هقاوي = عنك القلم مرفوع مافيه تقييد
سولف على كيفك بكل الدعاوي = بس لا تمهّد للعلاقات تمهيد
قلت الحظيظ اللي لمثلك يخاوي = هذا وانا ماشي ولا فيه تنشيد
والله ما اعرفه ولا كنت ناوي = مار المقدّر صار والحكي مايفيد
ان قلت وينه؟ بالعليّا حراوي = شرق العقاريه مكانه بتحديد