هذه القصيدة اقولها على ضو ماقد تقدم من جميع الامور اللتي شاركنا فيها من حيث مصدرها وهي تابعه لبعض القصايد الخاصة
في هذا القسم في حدود مايشير اليه المعتمد في كل شي وماتمت تسويته وهي كما يلي
يقول من قوله ماهو قول سراق=قول على معنى وتجريب واخبار
قاف وليه فيه مبدا ومحقاق=من فيض جاشي صغت قاف بمقدار
مقدار مايفرض علينا بمقدار=شي نعده عد والوقت جوار
كم حزة يشهد عليها الف رواق=فيها قطعنا كل منهوج الادوار
وشي يجوز وشي ماهو بينطاق=مال الفتى في مدخله اي معبار
محيط دنيانا والايام صداق=فيها افتكرنا والايالي والاقرار
وماهناك من يقدم على شي ويعاق=غير الذي ضده ضديد وثرثار
قدم جهوده والبلا فيه منساق=حيثه يظن ان الزمن بس دندار
وكل عبا حيله على كل مطباق=لين العدو اصبح يصرف ويختار
يمشي ويفتح بوب ويقوم هلاق=ويمشي على طرق بها زور ذمار
ولا يصنفونه من لهم باللقا اوفاق=دنوع وعلومه عريضات واكثار
دايم تحصل له مخازي وسراق=وخداين الخياب محقورة اذكار
لاشك ذا حد الدواعي والانطاق=والادمي لابد ياجد اليا سار
ومن لا معه برهان بالكود شراق=راحت علومه سحب صيف لزجار
مثله وغيره والمبادي لها افراق=يشوق لاعجها جزيلين الابصار
ومن رام درب المجد له يطرق الساق=يتعب ورى الجزلات ساعات الايسار
ويحفظ مقامه عند ساعات الارماق=قيمة عريبين النسب منبع اخيار
وقيمة مقام الهت هت وبواق=ماهناك له صيت ولاهناك له كار
لاشك ضمن له مواقيف الاصداق=اللي تبرهنها دلايل وميثار
وترالحقير اللي على الرجم نعاق=مبطي تبدنه قديمات الاخبار
كم لازي في ملتوى غيه اسماق=وجهه تغطى بالخيب والسبب صار
يجمع معه جند زمنا لهم ساق=سوق العلون اللي على جرف منهار
لاحدهم حادي والايضاح تواق=ابدوا معالنهم يعدونها جهار
واليوم فميجاد المواجيد مالاق=مايقبل التهميش يا اصحاب الانكار
لان حد جهودنا ديدن حقاق=معلوم والدنيا مقاديمها شهار
ابرز من البين على راس شوهاق=يامنهم ابدوا تواضيح الاوفار
وحنا الذي في كل شي اليا لاق=لنا بهامات العلا ماضي اذكار
عنها تقول سنين وقت لها ابراق=سنين لظاها فوق راع الخزا دار