هشيم عود ضلوعي اللي حطبته

اسعد الله مساء الجميع بكل الخير

هشيم عودّ ضلوعي اللي حطبته
زينت به من صافي الفكر فنجال

و الفكره اللي يوم جتني كتبته
رفعت نظراته على كل الاحوال

و لا فيه بيتٍ فكرته ما كربته
على مقاس حروفها كنّه امثال

اسرفت في مضمونها واحتسبته
عشقتها عشقٍ يورث للاجيال

حصيل ناتج قسمةٍ لو ضربته
في واقع الدنيا عطا واقع الحال

كم حرف علة في طريقي نصبته
في جملةٍ ما به من الوزن مثقال

و طير الغرام اللي بكفي قضبته
تركته مهاجر بصدري و لا زال

ترا الرجل ما هو خطا لو خطبته
لاكن تراه اكبر خطا قرب الانذال

و حصانك احذر لا ركبته هذبته
امسك عنانه لا يجيبك مع الجال

ما كل ما تسمع اذا جيت جبته
ولا كل ما يطري على البال ينقال

فنجال زينته بصدري و شربته
على سنا نارٍ من الضلع شعال

و دمتم

 

 

 

 

 

 

 

 

 

 

رائعة .. والمأمول أقوى:)

صح لسانك يابوفهد من حايل لين تقول وينك يالعظيم

 

 

 

 

 

 

 

 

 

 

الله يرحم والديك و يرفع قدرك
و صح بدنك من ذوقك يالعشير