بسم الله الرحمن الرحيم
هذه القصيده للشاعر \ علي المحيا الشمري ...................
وأن شاء الله تحوز على رضائكم ...
يالله ياعالم بخافي حوالها ..... رافع سماها دون شدة حبالها
بستة ليالي ركز الارض والسما ..... يقدر ولايعسر وربي قوالها
اودع بها الوديان والرجم والجلد .... عقب الجلد نصب نوايف رمالها
وطشر نجوم الكون والثاني القمر .... تشوف بالظلما قديح شتعالها
وعزل نهاره عن ظلامه بقدرته .... وارسل مليكه ثم رسى جبالها
واظهر لنا شمسً غشى الخلق نورها .... وليا كسفت حال الخلايق بجالها
فضله كثير بس نطلب به الثنا .... وحبل الثنا لاينقطع عن وصالها
ثم خلق ادم وحوى من الثرى .... ونفخ بهم من روح جلا جلالها
وصاروا بجنات النعيم وتوافقوا .... عن شجرةً شينه منعهم اوصالها
وحداهم ابليس اللعين بطريقته .... ودهور نفوسً مطمئنه بحلالها
وجازاهم الخالق وفرق لشملهم .... من طاع راي بليس هذا جزالها
حوى بشرق الارض وادم بغربها .... وكلً قصد للوجه الاخر اقبالها
ادم ينام الليل والصبح يبتدى ....يبي يشوفه مار دون اعتجالها
وحوى تدوس الليل والصبح بالسرى .... من لهفته مالذة النوم جالها
وتقعد على كوم البرد في طريقها .... وتشكي سموم القيض واعزتالها
وتقابلوا عقب المسافات والعنى ..... وتعارفوا بالشهاقه من جبالها
وياقادرً في ذا تقدر لحيرتي ...... بشاكيك شرباك العزيزه وحالها
ياسيدي ياهقوتي يامضنتي .... يامشتكى عيني ويا مرتكالها
بشاكيك ألا يالله من جور وقتنا .... دنيا تصفقنا على ماطرالها
والحظ يندبنا وبقعا تحوفنا .... دنيا تحدتنا وسكر مجالها
يالله ياللي بك غيره ومقدره .... خلك فطين بحالنا وش بدالها
لولا الحسد والحقد ماصار وضعنا .... مثل فلسطين الذي شفت حالها
بس بكلام الناس نسعى لجهدها ..... ولااحدً وقف معها ولااحدً سعالها
ماجور ياقلبً تدهورت بالقهر ..... وعزي لنفسً خبث الوقت بالها
قبل امس وانا عند ربعي وعزوتي ... واليوم بديارً صعيبً منالها
وباكر على الدوحه وعقبه لغيرها .... والله عليم بحالتي وش نوالها
امشي وانا مالي قرايب على ارضهم ... والروح من ماشفت قرب زوالها
ذكرت حكم الله بأول قصيدتي .... من هب للقبلي يدير لشمالها
هو داير الافلاك يقدر يديرها .... ويطفي لهب كبدً يزيد اشتعالها
تايه ولاضل لي وطن يااهل الوفا ... لي الولي والروح هي وعمالها
والله لو انه على مامضى لنا ... عن نزلكم حالي لدني ارحالها
واعزي الروح الغريمه بودكم .... واقول روح مضيعه وش غدالها
ماهو ردى فيكم ولااسب فعلكم ..... يالعنبو نفسً غواها بحالها
قلته وانا راسي تزايد به الطنا .... ومن سيد كل الناس ماهم رذالها
انا لابتي هم خيرة الخلق والبشر ... عقب الصحابه لابتي هم جزالها
زوبع هلي غلبا هلا العف والنقى .... وشمر خيار القوم شمر ثقالها
شمر هلا الردات شمر بوقتهم .... شمر على كل القبايل افعالها
ولو هي تعود امجاد شمر وعزها ... شمر على كل الخلايق ظلالها
شمر هلا النوهات شمر هلا الخطى .... شمر طنايا طي شمر اجبالها
شمر اعفاف العرض شمر هلا الخوي .... الفكر صخرها ولا احدً قوالها
من غير قاصر بالقبايل وحضرها .... منهم مثل شمر على مامضى لها
اذا الناس ارضً وهم شمر رجومها .... ومهما زموا بالزود شمر اجبالها
واذا الناس غيمً زام واستنزل البرد .... شمر بحر ماضايقه بحتمالها
واذا الناس غيم زام بالجو وانتهض .... شمر نجوم ولاوصل مستوالها
والله لولا لابتي ضايع الوفى .... ومحمد العوني سبقني وقالها
ويقول فجحان الفراوي بجودهم .... منهم مثل شمر رخيصً حلالها
احبهم واحب منهو يحبهم ..... وابغض من ابغضهم ولاني بحالها
ويامن يهجعني ويجبر مصيبتي ..... ويامن يرد للنفس معنى سؤالها
............................................
وسلاااااااااااامتكم
شمر طنايا طي ... شمر جبالها ..
العرض العادي
