تحياتي للجميع ....... ومساكم الله بالخير ..
((((( العين بالعين )))))
يانـاس لـي صاحـبٍ بالحـب مشغلنـي=والقلـب لجلـه مـع اللوعـات ينسـاقـي
يضيق صـدري إلـى منـه زعـل منـي=وتضيق نجد الوسيعـه كـل مـا ضاقـي
وتقفي اهمومي إلى منه رضـى عنـي=وامـوت قـهـرٍ إلــى طـرالـي افـراقـي
لو كـان عرفـه مـع العشـاق مسعدنـي=هاجـوس حبـه بوسـط القلـب حراقـي
ظنيـت فيـه الجميلـه واختـلـف ظـنـي=ولا كـل ظـنٍ يصيـب الـحـق بوفـاقـي
والنـاس قالـوا زمـان السـن بالسـنـي=والعـيـن بالعـيـن والـحـرات سـبـاقـي
والطيب يجـزا بطيـبٍ وانـت جاحدنـي=ومـن ينكـر الطيـب يالمجمـول بواقـي
وانـا عطيتـك جـزاك بروحتـك عـنـي=ماعـاد والله تشوفـك عـيـن مشتـاقـي
خلاص قلبـي علـى الفرقـا مطاوعنـي=كثـر التغلـي تـرا مــا هــوب ينطـاقـي
اول زمــان المحـبـه وانــت خابـرنـي=اغلـى الجـوارح لجـل لقـيـاك خفـاقـي
من شان شوفك ونين القلب يسهرني=وأسري وأجيلـك تقـل بالليـل سراقـي
لـو كـان مـا كـان شـيٍ عنـك يمنعنـي=الـيـوم كــن الـقــدم بالـقـيـد ينـعـاقـي
غيـرت مجـرا حياتـي يـوم تهجـرنـي=النفس شانت وضاقـت بـي الاخلاقـي
دور علـى غيـر حبـي كــان عايفـنـي=ومن عاف سلعه يطب بحر الاسواقي
ما نيب شاري مدامـك صـدق بايعنـي=خلـه علـى الله ورب الـكـون رزاقــي
نويـت أجنـب طريـق الـحـب عذبـنـي=أهون جروحه نزيفه وسـط الاعماقـي
نصحت نفسي وأبنصح من يناصحني=تــر المـنـيـه نـهـايـة كـــل عـشـاقـي
قلتـه وانـا طــاري العـشـاق يشطـنـي=ويطري علي الهوى وان لاح براقـي
أخوكم : فهد الغنام الشمري
<<< .. قصيدة ..من المداد القديم ..>>>
العرض العادي
