فــوق مقــبـرة ام القـلـبـان
لا تحتمل اي شي ارجوا قبولها كما اوردها
مدخل/
بعض البشر عيشه هو اكبر مصيبه=فتـنة على الوقت اللي ازداد مجْنَه
يكــرم تــرابه عـن ممـاشـي دبــيـبه=وش عاد لو طير الرغد زان شَجْنَه
بكـرى ليــال العـمـر يـفــنى ربــيبه=و يرميه قاضي حسرته وسط سِجْنه
.....................
بيد أرضهـا دفّ وخطانـا قريعـه=وسماه سقْف وسَحْب غيمـه تـدلّا
صوره رسمْهَ الربّ وسْط الطبيعـه=حيّابَـهَ الخافـق ِورَحّـبْ وهـلّا
وبان اللي اودَعْته حساب الوديعـه=و فاضت منَ الخاطر خواطر تمـلّا
و رجلي ثنيته فوق راس الرفيعـه=و من تَمْرَةَ افكاري لسانـي تحـلّا
وتناسجت كل البيـوت الفضيعـه=و نَسْجه تشكّـل تِقْـل سجّـاد زلّا
و فوق الثرى تَحْتَ النجوم اللميعه=أسهر يما ومْضَـات نَجْمَـه تجـلّا
ليلي مضت ظلْماه عَجْـلا سريعـه=بسْبَبْ ثـلاثٍ قرْبهـن مـا يمـلّا
عَسْعس ظلامه في سكون الهجيعه=و حَبْرٍ على بيض الورق صار بلّا
و صَحْفٍ نِسَطّر به حروف البديعه=هنّ الثـلاث اللـي بهـنّ انتسـلّا
عن خادع الوقت ورجـالٍ لكيعـه=وقتٍ يـدكّ اللـي شموخـه تعـلّا
وقتٍ ضحك لاهل النفوس الوضيعه=اللي بوسْط اقلوبـه اوسـاخ غـلّا
اهل الخنا هتـك الـذرا والذريعـه=تَكْفر بطهْر القلـب وافعـال جـلّا
مثل الوحوش الجايـره بالطليعـه=تَنْهَشْ وبالجرم اكلها صـار حـلّا
يا ناس شوف العين صاير فجيعـه=والواقـع اللـي نَبْصـره ينّـكـلّا
سوط الزمن جَلْدَهْ علينـا وجيعـه=قـدّم لنـا شوكـه ورودٍ وفــلّا
لِذْنا عنَ الرمضا ودسْنـا الوليعـه=و حامي هجيره صار فـيّ ٍ وظـلّا
وقتٍ على مثلي همومـه شنيعـه=تِطْـوى مباسيمـه ولوعـه يفـلّا
المآسي امّه والحزن هو رضيعـه=و صار الفرح ماله مكـانَ وْمحـلّا
و ضاقت بِيَ ارْحاب القفار الوسيعه=و روح الحشى في نار وقْتَهْ تصلّا
والنفس مثل السِرْكَ لعْبُ وْخديعـه=تلْعَبْ لما بالذنْـب تمـلا السجـلّا
هذي ذنوبه بـي تكاثـر جميعـه=ليـن اتركتنـي كالوحيـد المخـلّا
نَضْحَكْ وَنَنْسـاه وتعـاود رجيعـه=و من ونْسها حَبْل الندامـه يتـلّا
و يالله ناجيتك بخـوف وضريعـه=غفرانك إلْمن هو سِجَدْ لك وصـلّا
العيش لا بد يـوم يابـس ربيعـه=و سيف المنايا لا بـد انّـه يسـلّا
مخرج/
حسبي الله ونعم الوكيل
لا حول ولا قوة الا بالله
كل نفس بما كسبت رهينه
وسلامت من قراء وشاهد
(( جليس الـدار ))
سـوط الـزمن جَـلْدَهْ علـينـا وجـيعـه
العرض العادي
