اقتباس:
المشاركة الأصلية كتبت بواسطة فهد المويجد
بعد بث قناة الجزيره الأخباريه خبر يفيد بتصدي أبنا قبيلة شمر للأنزال المضلي للقوات الأميركيه
بالجزيره في العراق في ذلك الوقت.
جاد الشاعر : مطلق بن عواض العتيبي بهذه الأبيات
:
البارحه يوم الخبـر لـي توكـد **** واصبح صحيح يوكدونه شهوده
وقفت أحيي فعل الابطال وانشـد **** هيضني الموقف بساعـة أوروده
موقف شرف موقف بطولات ينعد **** مواقف ألابطـال فيـه محمـوده
يومٍ شمر صدت المعتـدي صـد **** اللي على بغداد يحشـد جنـوده
يومٍ على الكافر غدى يومٍ اسود **** قـدام شمـر ماتسـره حشـوده
نعمٍ بهـم والله نعـمٍ بـلا حـد **** والفعل طيـب والطنايـا قـدوده
قالو لبوش اللي يبا يدخل الحـد **** ترى البلد حنـا حمينـا حـدوده
ورجع ذليـل وللخسايـر تكبـد **** وإن عادها حط بمقابـر جـدوده
وأنا عتيبـي تهيضـت واقصـد **** تعبير واشكر من هذي جهـوده
أعجبني الموقـف بعـد ماتوكـد **** فعلٍ ينومس والخلا يق شهـوده
|
ماني بشاعر بس ودي اقصد ----- ردا على العتيبي واشكر جهوده
مايمدح الطيب ياكود معتد ---- على الفعول الطيبه والمحموده
عتبان اهل الحسام المهند ----- ونعم بكم والنعم انتم وجوده
من نجم للعتيبي نرسل الرد----- ونبي شعارنا تكثر ردوده
بداية انا لست شاعر ولكن هي الارتجاليه والموقف اجبرني على ان اقول شئ
واطالب شعراء شمر بالبيت الاخير ان يكثرو الرد نيابة عنا تجاه هذا الفعل وتقديرا
للشاعر العتيبي وهذا عقالي يالعتيبي
واعتذر عن الابيات ان جاء بها قصور لانها ارتجاليه وبدون مراجعه كما ذكرت اعلاه
هو الموقف اجبرني والا انا وين والشعر وين يعني طنخه يعني طنا يعني مادري شلون كتبت
خبر يفيد بتصدي أبنا قبيلة شمر للأنزال المضلي للقوات الأميركيه(العتيبي ثارت قريحته لها
العرض العادي
