كل عام وأنتم بخير
عيدكم مبارك ومن الفائزين إن شاء الله
من الجديد المتواضع السريع وهي رد على أبيات أحد الأصحاب ولا غرابه أن لا أذكر أبياته لبعض التحفظات أترككم مع أبياتي وأرجوا أن تنال على رضاكم وترتقي لأذواقكم/
يالله يا عالم بسرّ الصناديق=يا من تفرّ الكون فرّ المحاله
يا مقسّم الأطباع وهبه وتوفيق=بين البشر كلٍ على قدّ حاله
و صارت لنا بالعيش حرْفه وتفريق=يبصر بها من يدرك احدود جاله
يا ما عرفنا القلب وسط المعاليق=حتى على الغفلة عرفنا الرزاله
تبع القفى طبع السخيف اللي ايويق=يتبع ورى غيره لجمْع الفضاله
الطيب نيّة والجمايل تحاقيق=من لا نوى ما نال عزّ الشكاله
و من لا فعل ينقض عهود المواثيق=والوقت حثْرب بالصفاوه حثاله
المجْد ساسٍ ما يبي له تلافيق=من شان قصر الصيت يحفظ رجاله
والمرجله نجمه ودونه معاويق=كلٍ يشوفه في سماها لحاله
لكن يا صعْبه على حزة الضيق=و يا سهلة ابوقت الرخى والعداله
والناس غصنه بالخفى له مواريق=أحدٍ سقاه ابخير وأحدٍ رذاله
وعلى الوعد تجنى ثمار المخاليق=ناسٍ لهم تمرة وناسٍ نخالة
وسـلامت من رد وقرأ وشـاهد
جلـيـس الــدار