السلام عليكم ورحمة الله وبركاته
اول شي اضع احساسي ومااكتب بين ايديكم وعسى ان ينال على اعجابكم وان يصل احساسي الي قلوبكم
واحب انبه على الاسامي الي مذكورين في القصيده
1/فقيد شمر الشاعر /منصور بن سعدي الرمالي الشمري
الشاعر/ نمر بن عدوان
قيس ابن الملوح
الشاعر/عبد الرحمن بن عادل الشمري
هاك القصايد ياسعـد كنّهـا اعـلاج=من زود نارن بلحشى جبت طـاروق
جتك القصايد عقبهـم والحـزن راج=حزنٍ يسوق القاف من هاجسي سوق
اكتب قصيدي في بحـر مـلّ لمـواج=بحرٍ عجز يكشف خوافيـه مخلـوق
حالي كسيفٍ يالخوي هـم وازعـاج=يابو فرج ماني من الحـال معتـوق
نهجٍ نهجته غير عـن كـل منهـاج=خلّى ابقلبي ياسعـد جـرح مفتـوق
شفني بديت ارمي همومي بـالادراج=عزّي لهمٍ بيـن الاضـلاع مطـروق
من كان قبلي عاشقن خاطـره مـاج=قبلي غدا منصور من جلد واعـروق
واذكر بكى مجنون وضحى وهو صاج=يبكي على وضحى به الهـم مرفـوق
وابن الملوّح سار فـي درب منعـاج=من بعد ليلى مابقـى للوفـى شـوق
والدحمي اللـي جـاب للهرج هـرّاج=من حب سعدا فرّق الحـق بحقـوق
واللي خفانـا بيـن الاوراق محتـاج=ننبش عليه اليـوم برفـوق برفـوق
العشـق بـابٍ والمحاديـب مـزلاج=والهم دقّ البـاب والبـاب مدقـوق
والقلب منتج والبعـد هـزّ الانتـاج=خلا مـوارد خافقـي سهـم مبيـوق
صبّرت حالي بعدهم والصبـر هـاج=والقلب جوّه عقبهم رعـد وابـروق
وجدي دخلت الحب ما شفت مخـراج=وجدي غدى وجد ابدويٍ علـى نـوق
بالليل يشرب من عطاهـا وهـو داج=ويصبح عليه الصبح لذود مسـروق
بالحلم زار(ن) طيفهـم نـور وهّـاج=صرت اتحـرى جيّتـه دون مافـوق
احلف بنى من حول خفّاقـي اسيـاج=محد(ن) قدر يدخله بالحيـل موثـوق
حرّمت بعده صاحبـي كـل مغنـاج=ماريد غيره من هوا البيض معشـوق
اشكي وخلّي مهتني ما درى ابحـاج=شكواي للـي رافـع الهـم والعـوق
اسوق شعري واضوي الحرف باسراج=قلّه ابن عجرف عليك انت مشفـوق
جتك القوافـي هايمـه بالصـدر اج=واللي فقع كبد الهـواوي تـرى اوق
برمجت لك بعض القوافـي تبرمـاج=برمجتهـا بالهـم والغـم والـذوق
عزّي لحالٍ للوصـل صابـه احـراج=شفته غـدا للهم سابـق ومسبـوق
بدعيه ربـي خالقـي يفـرج افـراج=وايطفّي النيران فـي قلـب محـروق
صلاة ربّي عـد مـا طـاف حجـاج=على النبي سيد العرب خير مخلـوق