مساء الخير اخواني الكرام
اضع بين ايديكم هذه القصيده واتمنى ان تنال على اعجابكم
يانجم ياللي شع نورك بضيا=بأساهرك مدام في خاطري شي
تحملن من ضيقة الصدر بيا=وأن طحت فوق أهل الحسد كان تهوي
حول ولاتبقي للأنذال شيا=ألا النشاما ومن نطق يابعد حي
ياصاحبي ماعنك والله خفيا=وش عاد أبرجي صدق وش عاد أبرجي
النفس زادت في همومه عليا=كني لحالي في حياتي ومبلي
حظي حذفني في يدين الرديا=ياحيف حرف الواو ياهو يسوي
صرنا تحت ولية خبيثٍ تهيا=أثر الرخوم اليوم تامر وتنهي
كن المناصب ماخذينه حميا=مالومهم والشمس تفرق عن الفي
والله مايسقون لوكان ميا=ناسن غشاه الحقد ماتسقي المي
أزوال ناس وسهلةٍ جرهديا=معاضبه والحبل وش فيه مرخي
بلاه والله منفلت من يديا=وش حيلة المغبون ويدينه خلي
هذا زمن عز الرخم والحديا=وألا الحرار النادره تنكوي كي
حتى المطر مايستمر موسميا=الله يعافينا من الظلم والغي
يبست عروق الورده النرجسيا=مالومها والجو يحرق ويشوي
ماعاد ندري والرفيق الوفيا=لاهي صفت له يوم ولاهي صفت لي
الله يسهلها عليه وعليا=هذا القدر مكتوب والناس تدري
وسلامتكم
ألا الـنـشـامـا ومـن نـطـق يـابـعـد حـي
العرض العادي
