مجارة ورد بيني وبين الشاعر مرزوق دخيل الله الحربي؛؛؛

اسعد الله مساءكم بكل خير

تـــــــــــــحياتي للــــــــــجميع

اضع بين ايديكم مجاراة ورد بيني وبين الزميل الشاعر مرزوق دخيل الله الغرابي الحربي

والمناسبه كنا خارجين من العمل في منطقة القصيم فقال احد الزملاء بعد ما نظر الى السماء السحاب شمال يالشمري فقلت بيت شعر للشاعر الكبير خلف بن هذال( جعل السحاب اللي معه برق ورعود يمطر ع دارٍ وليفي سكنها) فقام الاخ مرزوق وارسل الأبيات التاليه يذكر فيها ديرته ( دخنه)

سلام ياديرة الاخوان=حي المنازل وراعيها
يفز قلبي ليامن بان=اسمه او حل طاريها
دخنه ليا ذكروا الخلان=يطري علي واحدٍ فيها
علّ المطر فوقها هتان=يسقي ترابه ويحييها
ينبت بها العشب والريضان=خضراء وزينه مفاليها
والطير يشدو بها طربان=والله من الحسن كاسيها
دخنه يازينة البلدان=عندي فلا احدٍ يساويها
يا لايمي في غلاها بان=حبي لدخنه واهاليها
تدرون انا احبها من شان=ريميّةٍ ساكنه فيها
ريمية ربعها الغربان=وربي من الزين معطيها
ملكتها بسنة الرحمان=وربي من العين يحميها
وختامها بسأل الديان=يغفر ذنوبٍ نخفيها

وقمت بمجاراته بهذه الأبيات المتواضعه اقول فيها

سلام والقاف توّه زان=وابياته ابدع واغنيها
قصيدتك صابة النيشان=اسمح لشخصي يجاريها
سلام منّي على برزان=وحايل على الروح ابديها
ديرة هلي والفخر عنوان=المجد تاريخ يرويها
عسى سحابٍ نشى مسيان=يسقي جبلها وواديها
ومن بعدها لياجبل رمان=دارٍ ربى في مفاليها
ريمٍ خطفني بلا استأذان=والقلب مني يباريها
روّح كما هدة الشيهان=لا شاف صيده يدانيها
قلبي تعلق وانا فهمان=الله يلطف بتاليها
الصبر ياتي بقو ايمان=ويالله بسرعه تمضيها
واسمح لنا يارفيع الشان=حرّكة بالنفس خافيها
جاريت والشعر له ميدان=والكل خيله يعنّيها
وصلاة من نزل القرأن=أيات ما خاب قاريها
على محمد نسل عدنان=قصيدتي لازم انهيها

فقام الاخ مرزوق بالرد على ابياتي بهذه الابيات

يالشاعر اللي انفجر بركان=بقصيده احكم قوافيها
ابياتها وازنه بميزان=مثل الذهب في معانيها
حيّت يامغليٍ برزان=وديارك اللي تسميها
ومهرتك اللي غلاها بان=تستاهلك وانت راعيها
تستاهل الزين ياكحيلان=وياحظ من انت مغليها
وياعل ربي عظيم الشان=يسعدك بأول وتاليها

واخيرا رديت عليه بهذه الأبيات

اهلاَ وسهلا عدد سكان=الصين واللي حواليها
ترحيبةٍ تروي العطشان=ومن اللواهيب نسقيها
شكرا ولك مني العرفان=وربعك عريبه مجانيها
لو امدحك اطلع الغلطان=اوصافكم ما نوفيها
هاذي قصيدة وقافه ان=ومن بيننا وانت راعيها
واختامها المسك والريحان=والعود يافاح يشذيها

دمتم ع الف خير
والعذر ع الأطاله
تحياتي

 

 

 

 

 

 

 

 

 

 

فن سلمت وسلم الحربي وصح السان الحربي مليــــــــــــــون وصح اللسانك يالهيلعي مليــــــــــــار ابدع الحربي بقصيدته وابدعت زود بمجارته وابدع بمجاراتك وجمل وانت انهيتها بالأجمل لاعدمنا شاعريتك ولاعدمنا حضورك الرائع لاتحرمنا جديدك

 

 

 

 

 

 

 

 

 

 

جميعكم

صحّت السنتكم مميزين الله يعافيكم

 

 

 

 

 

 

 

 

 

 

صح لسانك ولسانه

ومشكور يالهيلعي

 

 

 

 

 

 

 

 

 

 

ح ـي الله شاعرنا الجزل


الهيلعي

من طول الغيبات جاب الغنايم

صح ذاتكم وفكركم

صوت وصدى رائعين

من شاعرين جزلين


تم التثبيت

تقبل مروري

 

 

 

 

 

 

 

 

 

 

الله الله

قصائد تروي كبود المتلقين هتان الشعر

الله يجيب المطر لحايل ولجميع بقاع المسلمين

جميل جدا الهجيني القصير

صح لسانك اخي الهيلعي ولسان الحربي

دمت بود

 

 

 

 

 

 

 

 

 

 

المشاركة الأصلية كتبت بواسطة *الجموح*

صح بدنك
والف شكر ع ماخطت يدك
تحياتي

 

 

 

 

 

 

 

 

 

 

صحححححححححححححححححححح السانك وصحححححححححححححححححح السان مرزوق يعطيكم الف عافيه على الحضور المميز

 

 

 

 

 

 

 

 

 

 

المشاركة الأصلية كتبت بواسطة مانع الخريصي

جميعكم

صحّت السنتكم مميزين الله يعافيكم

الف شكر ع مرورك

وصح بدنك
ودمت ع الف خير

 

 

 

 

 

 

 

 

 

 

المشاركة الأصلية كتبت بواسطة ابن سعــدي

صح لسانك ولسانه

ومشكور يالهيلعي

صح بدنك والف شكر لك

ودمت ع الف خير