الليالي والظروف المستبده =في عذابي جالها صوله وجوله
راعني شوف الفجوج المجرهده= السراب بقيظها حطت نزوله
ميل وقت وهم قلب وطول مده= ليت سلطان العنا تقفي فلوله
ساعةٍ من يوم يسراً بعد شده = عادلت عمر الشقا عرضه وطوله
يا ردي العزم ياهاته و وده= الاماني وحدها جتك بسهوله
لا يغرك بالبحر جزره ومده= ولا يغرك بالرخا مسرج خيوله
للشجاع بغيبه الاذهان رده = وللكريم بلقمة الجايع بطوله
وللدليلة والمساري والاشده = نشوة مع غازيً ينخا ذلوله
للسهر والليل مشتاق يوده = عطره بالهيل وارضابه ميوله
كان شفت دموع رجلاً فوق خده = المطر لو ما نزل محداً ينوله
كان طيبي بس عندك لا تعده = وكان مدحي قد سمعك لا تقوله
لو تهد جبال صبري ما تهده= الجلاده للرجل رمز الرجوله
والله اني لا وصل المجهود حده= لين غرقان الحسد يبدي ذهوله
الاستبداد
العرض العادي
