اقف في هذه الصفحه وأرمي عقالي , أقف في هذه الصفحه لأدق التحيه ، أقف في هذه الصفحه
أصفق بحراره قصيده جزله جزله ياراعي الجزلات ، حملت معاناة أمه بأسرها وحال حكامنا
وقضايا دارت للتو ، فعلا أستطعت أن تنوخ ركاب الهواجيس وتجبرها على أستجابت ندائك،
أبيات رائعه ياصلاح الأسلمي وأنت مبدع وشهادتي أنت بغنى عنها ولكن للقصيد الجميل
لابد أن نشيد به وخاصه بأنه حمل قضيه ودافع بوجه الصعاليك أولئك .
أردت أختيار بيت لكني أحترت فأخترتها كلها.
وجه القمر مفضوح في عتمة الليل
مايستره ياكـود وجـه الصباحـي
والشمس تغني عن شعاع القناديل
ماتنطفي مهمـا تهـب الرياحـي
واللي حياتـه ماوراهـا محاصيـل
ما لحّق حسوفه علي عمر راحـي
والدمع ماتبري جروحـه مناديـل
والصبر والنسيان طـب الجراحـي
ما فج صدر الحزن غير المواويـل
ولاشق جيب الستر غير الصياحـي
بالجوف فاحت دلّة البـن والهيـل
زفرات بركان(ن) تفجّـر وفاحـي
وقدعت من طول الليالـي غرابيـل
وشربت من صحوة شجوني نواحي
ما للجدي شرهه علي غيبة اسهيل
دام القمر شارف علي الانفضاحـي
للمبعـده مانـي بحاجـة درابيـل
ما عاد يخفا شـى والسـد باحـي
ضلع(ن)عوج ماهو بقابل لتعديـل
من لاذ به يقطع سبيـل النجاحـي
بيّنت موجز واسمعـوا للتفاصيـل
لابد تمطر بعد مـا البـرق لاحـي
ماعاد للاسـلام سيف(ن)ولاخيـل
اصبح كما جنـدي بليـا سلاحـي
دام النبي يلحقـه سـب واقاويـل
وامّارنا ما كن لـه سمـع ياحـي
الموت خير من الغبـن والتناكيـل
عمر(ن)بليا عـز مالـه صلاحـي
يكفي غدر يكفـي خيانـه وتذليـل
نفس(ن)تربت بالهـدا والسماحـي
دجله تصيح وترتجي فزعة النيـل
والنيل غـارق بالليـال الملاحـي
اطفال ضاعت وامهات ورجاجيـل
تقتل وتنحر مثل نحـر الاضاحـي
اصبح ثرا بغداد جمر وسنـا ويـل
من سبّـة الجيـران والاجتياحـي
دمع وبكاء وصراخ قهر وبهاذيـل
والدم ينزف من جميـع النواحـي
والقدس عايش تحت رحمة سرائيل
والكل يخفـض لليهـود الجناحـي
ماهو برحمـه ميـر ذل ومخاذيـل
ياطيب من ضحّابهـم واستراحـي
طرق البشوت وسكبةاعقال ابو ذيل
وازياء جافنشي ولبس الوشاحـي
تجمعهـم الطبلـه ودن الخلاخيـل
لكـن يفرقهـم صريـخ الرماحـي
ماترجح الكفّـه ولاتوفـي الكيـل
هماجهـا عكّـر صفـاء القراحـي
ماصافح الذله سواء بـارد الحيـل
ولا رضي بالهون غير الشحاحـي
ملعون ابو(البابا)علي بيّة(نويـل)
لابو عيال مسيلمه مـع سجاحـي
اللي يشوف الحق وايصد وايميـل
000000000ياجب انّـه يزاحـي
دامه منافق يرجع الـراس للذيـل
يبقى قـذر ياليـن يمحـاه ماحـي
دام الثلاثه واضحـه دون تحليـل
النفس ماتقـوي لكبـح الجماحـي
نبغا طيور(ن)تشبه طيـور ابابيـل
نبغا الجهاد وصحوة اهل الكفاحـي
تصبح علي الكفّار صرصر وسجّيل
وتجعل ديرها مثل حزمـن براحـي
نسمع حكي مرضي لبعض المسائيل
حقّ(ن)ومنهو لايـراد الصلاحـي
ما بالجزيره غيـر كثـر التحاليـل
ليل(ن) يلج ابه العـوي والنباحـي
واسلامنا لو ينصرونـه حلاحيـل
ما كان عرض المسلمين استباحـي
صح الله لسانك ...._=صلاح الشمري.
دجله تصيح وترتجي فزعة النيـل=والنيل غـارق بالليـال الملاحـي
العرض العادي
