العقد اللي شفته على الصدر ياناس=مدري هي الصدفه ولا لعانه
الماس يلمع والبلا تحت الالماس=واحترت ابكشف وين سر لمعانه
قعدت اكرر بالنظر حست واحتاس=وصار الخجل بيني وبينه مكانه
قالت تعوذ يارجل نزل الراس=وش الذي شفته وهات الميانه
اشوف عينك كنها سهم الاقواس=غض النظر ياصاحبي والشطانه
بس اذكر الله لاتصيبن بالانفاس=اخاف من عينك واشوف انفتانه
قلت اعذريني صابني شبه هوجاس=وابسالك بالله وابغى الامانه
ابي عناوينك قبل ينقطع ياس=ابي اعرف المرتكز مع ليانه
قالت صعيبه واعذرن عندنا ناس=اذا تبي اسمي فانا اسمي جمانه
كسبت منها القهر معه الاتعاس=ويحتاج شوفي عقبها للصيانه
لكن كشفت الزين ماهو بالالماس=الزين في صدره وفيه برقانه
مشيت من عنده الى درب الافلاس=وقعدت اردد يالدانه لدانه
سالفـة العقـد والصــدر ..
العرض العادي
