تمنيت لو اهدي شي ملموس لكن عسى ان تلامس ذاقتكم هذه الهديه
هاتي زبيلك اثمر الزرع واجنيه=واثمر شجر حبك وليتك تشوفين
سريانه عروقي ودمي يغذيه=ومكينته قلبي عسى ربك يعين
لولاك والله مازرعته ولا ابيه=لكن علشانك حرسته بضلعين
غصنن به اشواقي تدلى وهزيه=يسقط ثمر حبك وشوفيه بالعين
وغصنن تهزع ينتظر منك تجنيه=هذا وفانا يوم مامن وفيين
وغصنن تورق يعجب اللي يراعيه=هذي بدايتنا على الحب صافين
وغصنن تزاها يوم انك لمستيه=قام يطلع ويدبل الطلع طلعين
وغصنن يخرع في يدينك كسرتيه=هذا شعوري منكسر من اكا الحين
وغصنن تيبس من جفاكم وخليه=يمكن يعيش اذا نويتي تعودين
وغصنن نشأ تو الحيا سايقن فيه=هذا وصالك يوم كنتي تغلين
وغصنن طلع شوكه تخرع مواريه=هذا فراقك يوم كنتي تهجرين
والغصن الاصفر انتي اللي ذبحتيه=اول خضر من غيبتك صار لونين
وغصنن حزين ويجرح اللي يراعيه=ميت وطلعه هامدن قبل عامين
(( وغصنن غريب عايشن دون ماسقيه=هذا الامل اللي تحراك يازين ))
وروحي لقسم الورد ابقطف وشميه=شكلت لك مابين جوري وياسمين
هذا الذي بالصدر وكله ملكتيه=صورت لك يابنت غابة محبين
غصـون المحبـه مهداه لهذا القسم
العرض العادي
