بعد السلام وأجمل عبارات اللقاء والاحترام
صباح/ مساء الخير والرضا
أبيات متواضعة أرجوا أن ترتقي لأذواقكم اسناداً لصاحبي وأخي/ ماجد الهربيد السويدي أبو بشرى حفظه الله
مضى ليلين والليلة قضى الليل=و ليالي مرّت وعيني تحرّى
تسامرني على النجمة مواويل=وفضفض عن خفوقي واتدرّى
ولو باكتب شعوري بالتفاصيل=تشيب أوراقي البيض وتهرّى
ذبحت الصمت وأحييت التماثيل=وجرّيت القلم للشعر جرّى
بعيني يظهر الواقع تشاكيل=ومن حولي تجدّد كل سرّى
تعبت أرسل ولا تعود المراسيل=وأنا محتار والقلب استضرّى
يابو بشرى استقرّت بي بهاذيل=وسريت أمشي ولا لي مستقرّى
حياتي غربة وحلٍ وترحيل=شبعت امن الملا وطرد المغرّى
ياليت أن الزمن حدّه يجي ميل=مسافة باختصرها في ممرّى
سئمت امن الغموض وكذبة ابريل=صحيح ان الصحيح أجمل مقرّى
أنا أشهد بالحقيقة تفضح الجيل=وتلحق بعضهم عار المضرّى
غياب العرف خلّانا تماثيل=يا كم من مجرمٍ فينا تجرّى
تكسوى من جهلنا ورد الاكليل=ومن جهله مع الوقت ايتعرّى
وعيبٍ بالفتى لا نزّل الشيل=ورجع عقب الغياب ابلا مسرّى
لا شلت اصبر على ثقل المحاميل=ولا سرت اقطع ادروبك واستمرّى
ومن قال الدهر شرب الفناجيل=يموت وذكره افتاتٍ يذرّى
وخاب اللي غدى مثل المناديل=يطير امن الهوى لو هو تذرّى
ومن يبني طموحه بالتأويل=يجي له يوم من حظّه تبرّى
وسلامتكم
أخوكم