السلام عليكم ورحمة الله وبركاته
اهديكم هذة القصيدة عسى ان تنال ذائقتكم ودمتم بخير
بدينا بذكر اللي ليامن نفخ بالصور = قضا الأمر والجا في ظلاله وغفرانه
وبعدها أبتكلم بقولاً يشق النور = فصيح اللسان وعندي الشعر وأوزانه
بلا مقدمات إبدا بلاشي من الديكور = تعبنا وروح الشوق بالصدر حيرانه
مضالك شهر تلو الشهر والحشا مهجور = ولاقلتلي بأسباب صدك وهجرانه
علامك عسى ماشر قلي وصلك قصور = تركت الفؤاد اللي لعينك كما الدانه
وليفي اناديلك وإنا داخلي مكسور = من أسباب صدك ذاب قلبي وشريانه
عليك الله انظر كيف دم الفؤاد يفور = تفور العروق العاشقه منك ولهانة
ترى سلعة أهل المصلحة فاليدين تبور = وينشب بها الشاري ليا شاف ديانه
وترى الطيبين من العرب دارهم معمور = تدور الليالي العوج ماهتز سيسانه
عطيتك غراماً عن بنات الزمن مقصور = قصرته لجل يشملك خمره وكيسانه
احبك وكل اللي مضى من خطا مغفور = لجل قلبي المجنون فكلك بيبانه
تعال احسم الموقف ومن خاطري معذور = على صدك القاسي ترى الروح شفقانه
بلاش العنا بلاش تشكي عذاب اوجور = تعبنا نجامل والزمن زاد حرمانه
وســــــــــلامتكم