يالله طلبتـك ياوسيـع المحـاريـف
فتاح بيبـان الضعـوف المواصيـل
يالله ياللـي تـذل وتعـز وتخيـف
ياحامي اطراف الحرم من هل الفيـل
تفكنـا مـن موهفـات الصواديـف
ومن شر لبـدات الليالـي المقابيـل
ويا دك بي من واهس القلب تكليـف
سيـرت يـم مبهريـن الفناجـيـل
من بيت "ابوراكان" ريف المناكيـف
اليا بيت "ابوساجر" ملـم التحاويـل
مجالس يطرب لهـا راعـي الكيـف
وندلـه بزينيـن القبـل والتعاليـل
بلاي ان قلبي لاغش غش ومخيـف
ياشفت زومات السلـف والنزازيـل
يطري علي ربع بهم ندرك الحيـف
ياركبت رشـات الرجـال المحاحيـل
باسباب "برجس" هو و"مياح" ياحيف
ضاع الجهام ومردية كنـس الحيـل
اللي بهم نرعى الخطر والمخاويـف
سون بهـم سمـر الليالـي بهاذيـل
وشتاتهم من نجد اليا سنـد السيـف
ولاينشمت بامور منشـي المخاييـل
وياراكب اللـي كنهـن بالتواصيـف
اسحاب ربدٍ طالعن شـوف ازاويـل
يشدن شواحيف نحاهن عواصيـف
الموج حاديهن وهـن ارتكـن حيـل
يعبـن لتقطيـع الديـار المياهيـف
رمـل ولاذاقـن لهيـج المخالـيـل
وتنحـر يمـة سهيـل اليـا شيـف
ومنـا تروكـم يالنشامـا مراسيـل
وياعلكم بجاه مـن يقـري الضيـف
تلفـون مامـرن عليكـم غرابـيـل
ياجيتوا عقرب والرعون المشاريف
تزبـرقـوا قطعانـهـم بالدرابـيـل
واليا لفيتـوا للاربـاع المشانيـف
قولوا لابو علوش ريـف المراميـل
قل ياحيف ياغضبان ياحيف ياحيـف
تنسوا مرويـن الغلـب والشناكيـل
ياخـو دليـل مابنجـدٍ تحاسـيـف
يوم اخلوه رجـال "غلبـا" فواصيـل
هل الفعول "الصدز" والحكم بالسيـف
اليا كربن شحص المهار المشاويـل
اللي بنجـد دللـوا شـذرة السيـف
راحوا سـدادن للديـون المساميـل
وياخـو دليـل مابنجـد مصاريـف
باقـت بنطـاح الوجيـه المقابـيـل
مار شم عن ديار عافها الحيد ومنيف
والرزق عند اللي يجيـب الهماليـل
دار بها الحقران يضرب بها الضيف
ماتنسكـن دار الخـزا والتخاجـيـل
وتر بعدك اطيب عن عفون الدناديف
دوارت الجنـه بذبـح الرجاجـيـل
وياراكب اللي عايزينـه تواصيـف
(00000) اللـي تخيـل المخاييـل
وتزاعجوا عليـه بعـاد المساليـف
وزاحت هل النواهات بعد المراحيـل
لديار "شمر" تقري الجار والضيـف
وعسى بخيرات المكاريـه تسهيـل
بين "الضياغم" و"السياف" هل السيف
"واولاد مسعـود" بعـاد المواصيـل
وربعي "هل الجدعا" اليا صدرن عيف
لهـم بروجـات السبايـا تنافـيـل
"وعيال الفديغي" فوق قب مزاغيـف
خيالـة الادرار مـاهـم تـزاويـل
مع سربة "العصلان" عند التحاريـف
يروون عطشان الحـراب المغاليـل
غلبا بكضـات الحرايـب مواليـف
يتلون من عقب "المحـزم" مشاكيـل
بالله ثـم باسبابهـم ديـرة الريـف
نرعاه لو دونه اراضي هـل السيـل |