بسم الله
اتجدد معكم بهذه الأبيات وهي من القديم ولكن مدخلها ومخرجها جديد اترككم مع الابيات علّها أن تنال على رضاكم وأعجابكم:
مدخل/
وانا امشي بالمدينة تحت الانـوار=وبزحام الشوارع قـد َذكَرْتـك
وعادة لي طيوفك مثـل الازهـار=طرى اللي فات بَحْلاه وشَكَرْتـك
هي الحِلْم اللي اتحقّق وثَـمْ طـار=ذِكَرْك الخاطرَ وْليتـي حَضَرْتـك
خطى اقدامي انقادت لروس المشارف=قياد العمى اللي بَصْرَ عينـه مِكَفّـه
رقيت وعلى خدّي صفى الدمع ذارف=وهَفْهَفْ مهبّه مثـل هـفّ المهفّـه
نسيمٍ نِفَذْ داخـل حشايـا مشـارف=يلاعب عروق الجَسْم هفّـه وخفّـه
نسيمٍ نَحَتْ بِجْبال لوعـي زخـارف=وخـلّا جناحيـن المحـازن مرفّـه
سبايب غزالٍ صار للقلـب جـارف=حسين الطبوع اللي رجيتـه بعفّـه
رغيدٍ ربى في بيت اهاليـه تـارف=صغير اكبر اهمومه مناقيـش كفّـه
لطيفٍ بكَنْزَ الذوق بـاذخ وسـارف=طري عود/غصنٍ ما شكى من مِجَفّه
وكل الحلا لـه دوم خـادم وكـارف=هـو ابكفّـه وكـل العـذارا بكفّـه
وحبّي لها ما هـو بـدقّ وتعـارف=ولا هو هيام الجيل عشـق المخفّـه
هواها سقانـي قَسْوتـه بالمغـارف=و غرامه بحر يَدْفَعْ خفى الروح دفّه
ومن حبّه اعيون المشاعر طـوارف=دعتني بكل الشـوق ذِكْـراه شَفّـه
صحيح انّ راع الحبّ تَلْقاه طـارف=مع اهجوس همّه والحزن صار صفّه
ومن كان مثلي ما سلا ابظـلّ وارف=ركاب المـودّة تَـرْ وطنّـه بخفّـه
مخرج/
عَزَفْت ابْذكْر ودّك كل الاوتـار=و صَهَرْت(ن) بالغلا وبْعَدْ صَهَرْتك
و نسيت امرار من حزني وما صـار=وهذي ابيات لَاجْل انّـي فَكَرْتـك
نبيها بالمشاعـر عِقْـد وَسْـوار=بها انغيض الزمن لانّي خَسَرْتـك
وســـلامت من رد وقرا وشاهد
جليس الدار