مساكم الله بالخير كيف الحال وشلونكم.
نبي نطلعكم من جو الاختبارات بالنسبه للطلاب اهدي لكم هالقصيده
وهالقصيده مناسبته بعد الاختبارات بالجامعه طلعت للبر كالعاده
حيث الراحه النفسيه وكنت مبطي عن واحد من اعز الزملاء
وهو خالد عويد العنزي وكان وقتها بالقصيم وكتبت هالابيات واسندها
عليه وارسلته له ويوم جته القصيده شغل ومشى وهي بمعنى دعوه
له بالذات ولباقي الزملاء وعزمت الربع بالبر وكان يوم الجمعه ليله السبت
والقصيده اقول فيها
:
سجيت في رجمن طويل المشاريف=جلست في راسه وحيدن خلاوي
وأخـذت أطـري مـاجـرى بآخر الـصيف=يـالله تـنـسـيـني هــمـوم وبـلاوي
مــايـنــفـع الــرجـال لاقــال يـاحــيـف=راحـت حيـاتي والا انا كـنـت نـاوي
حـلـمن حلمـته ياعرب صار لي طيف=يــالله لاتـقــطــع رجــا كــل هـاوي
يــابـو عـويـد مـايـبـي لـه مـحـالـيـف=قـدرك بـصــدري يــابعـيـد الهقاوي
الـبـال ضـايـق مـايـبـي له تـواصـيـف=هــم الـدراســه مـانـبي له طراوي
عـود يـابـو عـويـد تـرا الـضـحك تزييف=ودي بــروضــن مـايـجـي بالمناوي
يـوم الـجـمـعـه لـيله السبت والضيف=انـتــه وانــا والـي يـبــيـنا يـخـاوي
جـلـسـه وعـزبـه مـايـبـي لـه تكاليف=عـقـبه دسم يامسندي يالهواوي
وسلامتكم
اخوكم:عمر الشمري
مــايــنــفــع الــرجــال لــيــاقــال يــاحــيــف
العرض العادي
