مساكم فل وياسمين يالربع ...اليوم نبي نخليها وجدانيه والله يعينكم على وجدانياتي
!!
!
يا صاحبي شف لك إل هالحال دبره = أنا على متن السهر وأنت نايم
أظهرت في صوتي للأحزان نبره= لين إرتخت منها قويّ العزايم
وخليتني بعيون الأنذال عبره = لين إستلم كفّ الخطا كل لايم
ذنبك كبير وذنب الأيام كبره = وأنا من إظروف المحبين سايم
وإن كان لك في جرح الأحباب خبره= أنا تعوّدت الخطا منك دايم
الشق ما يرفاه سلكين وإبره= والعذر ما يشفع لراع الظلايم
جوفي كفن حبك وبالقلب قبره=ينساك عرق وعرق لا زال هايم
والعين لوّ هلّت للأحزان عبره= طير السعد في جوّ الأيام حايم
وقلب الغلا لاعاف يا صعب جبره = يقفي ولو ذاق الغبن والهزايم
واللي نفذ من قسوة الحب صبره = يبطي وهو يدفع جزاها قسايم
ورد وياسمين للمارين ,,,
فهد الغنام الشمري ..
...
((.... قسوة .. الحب ....))
العرض العادي
