[quote=الـقـفـيـعـي;1028004]بعد السلام وأجمل عبارات اللقاء والاحترام
صباح/ مساء الخير والرضا والطمأنينة
أبيات من جديدي أرجوا أن ترتقي إلى أن تلامس أذواقكم
ودّي على قربك وودّي على لاماك=لكن ظروفي وقّفت حدّ جيرانك
أحيان حلمي في حياتي على لْقياك=وأحيان بأترك لقمة العيش من شانك
أبطّى يْتَحَرّك عقرب الساعة بْليّاك=و يا سِرْعها ساعة مضت حول بيبانك
بَحْر الجفاء أغْرَقْني ولا زِلْت في رجواك=عندي أَمَل بأشْرب من امْياه غدرانك
فمّ الشعر لو يرفع الصوت ما وفّاك=في عيني أبْكم لو أَنّه ايْهزّ وجدانك
يا ليتني شبّاك ومْثَبّت ابْمبناك=واكون واحد من شبابيك جدرانك
من شان عيني تبتهج في نظر عيناك=و تلْمسْني أْياديك وأقابل أوجانك
لو كان عشقك يا وليفي جمر وأشواك=وطيت في جمرك وأكلْت أشواك بستانك
في صبحي وعصري وليلي أنا بأهْواك=وحتى وأنا في غرقة النوم ولهانك
حبّك رقى بك من على ضْلوعي وْ عدّاك=وحطّك على عَرْش الحشى وْ ثَبّت أركانك
وسلامتكم
بقلم أخوكم/
الـقـفـيـعـي - جلـيس الـدار
[/qاخوي الشاعر المبدع .القفيعي ..جليس الدار
هُنا الابداع يتجدد ويزداد رونقه .من بوح فكرك وخط يمينك
صح لسانك على ابداعك واشد بالله اني اطرب اذا قرأت اشعارك
استاذانت يالقفيعي ...ولاهنت...uote]