هذه الابيات اسندتها الى الاخ وابن العم احمد محسن الغدير المسعودي
اغراب تجمعـنا ليالي معازيــــــــب =واصحاب تفرقـنـا بنات العـجـايـز
يا صاحبي ما جاك مني مخاليــــب =ولا هرجنا فـيـك مـن غـيـر جايـز
ما أذكر تعديتك على غير ما طيـب =في صحبتك لـو كنت ماني بفايـز
يا جض قلبي جض شايب ليا سيـب =خلوه ورعانـه ورى الحزم عاجز
يشكي على الله من سموم الواهيــب =يـقـوم ويـرده كـثـيـر الـعـــكـايــز
واسند المعنى على زاكي الطيــــب =نـقـد الذهـب مـا هو بـنـقـد البرايز
اسند ع بو محسن عريب المناسيب =والساس مسعودي رفيع المـراكـز
لي صاحبا" بالقلب يترك مظاريـب =واقـفـى يـطـارد لابسات الـبـلايـز
لا قدر الخوه ولا يعرف العيــــــب =طـبـعـه تـغـيـر ما خـبترته ملايـز
وانا على الخوه وعندي مقاضيــب =ما غـيـرن طـبـعي بنات العـجـايز
طلال الاحيوات
وهذا الرد من الاخ احمد محسن الغدير المسعودي
يا مرحبا يا مرتب القاف ترتيب = شرواك ياحر(ن) على المدح حايز
طلال عواد الاحيوي بلاريب= نجم(ن) سطع في قمة الجود فايز
تشكي من الدنيا وفرق الاصاحيب= وتجض من همك على الرجم نايز
طيرك كفخ عدا بروس المراقيب=يتبع هوا نفسه ويتبع غرايز
يطرد هواهن لابسات الجلاليب=اللبس ضيق ع النهود الركايز
صويبهن يا خوك مابه تطابيب= يفقد صوابه دون شرب القزايز
خله يعلي يبعد الحوم ويغيب =واترك صحيب المصلحة والعوايز
اعتب على اللي يلتهب كنه الذيب= ولا الرخوم ارخوم والطبع بايز
متشوفني في عارضي بين الشيب= كله من ظروف الزمن والعزايز
البعض فاشل مايعرف المواجيب=والبعض ع نكبتك وزع جوايز
وختامها جتك المعاني بتهذيب= خلك احريص من بنات العجايز
اتمنى ان تنال اعجابكم........ولكم كل الشكر