سمع الاخ وابن العم احمد محسن الغدير المسعودي
احد قصائدي في المقناص... وارسل لي هذه القصيده
طلال شعرك بالجزل فاح طاريــــه = فوحة نسيم البـــــر لاهب ذعــــــــذاع
ياذيب يومك عالي الرجم مبديــــه = وغديت من تحتك قراشيع وتــــــــلاع
ومديت دربيلك على الصيد محريه = وكشفت من حولك طويلات الاضلاع
ماشفت لي ريم المها في مفاليـــــه= في فرعتن منبوتها شيح وشكــــــاع
لا ترفع البندق على الريم ترميــه = لنه شبيه صويحبي زين الاطبــــــاع
ماخذ وصاف الريم والملح كاسيه = وسود(ن) هدبهن يجبر القلب ينـلاع
والخد مثل الورد لقمت احليه= لقبل مع القَمْرَ كما لمـعة اشعاع
والشعر الاشقر فوق الامتان مرخيه= والعود عود الموز لريح مطـــــواع
تضيق بي دنياي لبطيت ماجيـــــه = وحس نبض القلب بادي بالاســراع
لسرت قربه يمضي الوقت ممليه= لونا بوسط البر ع بساط وشـــراع
ورديت عليه بهذه الابيات المتواضعه
قولك يبو محسن لفتني معانيـــــــه = عبر البريد ولا سمعته ب مذيــــــاع
قافك يرد القلب للعشق والتيـــــــه = ويذكر المجروح شنعات الاوجــــــاع
ذكرتني ضبي" غدا في مفاليــــــه = ضيعتهم يوم البخت فيه ما طـــــــاع
اقفى خذاه الموت يالوعتي فيـــــه = ياخذ حياته غصب مابين الاظــــــلاع
ما لي رجئ يا كود قلبي وسليـــه = وا رأسل الطيب وانا حيل ملتــــــاع
يطري علي صويحبي يوم ألاقيــــه = بزيارتي قبره عسى يسمع الــــداع
اقعد واسولف واطلب الله يعديــــه =ساعة نقف بالحشر والكل مرتـــــاع
وأقرى عليه الفاتحه رافع أيديـــــه= عساه بالجنه مع الصحب واتبـــــــاع
وحطاب سمر اللي تصفح قوافيـه=ذيبٍ طوى روس الطويلات ما جـــاع
يـمـر بـه بــردٍ ودمـه يـدفـيـــــــــه = ويمر به حرٍ وهو طايل البـــــــــــاع
يصبر على دنياه لو هي تخليــــــه =يعوي وتسمع للصدى لجة أتــــــلاع
اتمنى ان تنال اعجابكم
اخيكم طلال الاحيوات
اسناد و رد الثاني
العرض العادي
