هذه الابيات مسنده ومهداه الى اخي واخيكم ابو طارق الشمري
عسى ان تنال اعجابه واعجابكم
بعض العرب يكفيك منه كلامه=وقولت هلا تغني سمين الذبايح
وبعض العرب يكسي ذراعه بخامه=وبعض العرب تكسي ذراعه سفايح
وانا زهمت البارحه راس قامه=عزي يابو طارق زكي الروايح
يرسي كما ترسي رواسي تهامه=وياقف وقوف طويق صلب الصفايح
ويهتف هتيف مهتفات الغمامه=ويسقي مساقي للبداو السرايح
يتباشروه مرِّتعين الجهامه=ويتناقلوه أخبار فيها الفرايح
ما قلتها مدح(ن) وادور وسامه=ألا كلام الحق مابه مدايح
والهرج بالطيب يقولوا كرامه=لا سارت الخوه بليا منايح
وعيب(ن) على اللي يِّتقي بالهدامه=لا قامت الكونات ما هو ب لايح
اسري مساري ذيب راس العدامه=واطىء على داب(ن) كثير الفحايح
وارافق الاجواد مرفوع هامه=غير بصلاتي سرت بالقاع طايح
وهذا كلامي محمل(ن) بالسلامه=عبر البريد وذبذبات اللوايح
يأصل لبو طارق على المجد شامه=ومنك السموحه كان بالقول مايح
ولا قصور بكم جميع
اخيكم
طلال الاحيوات