البارحه والعين عيت تنامي=كل ما أغض الطرف شي(ن) يشده
ساهر مع القمرى عدو الظلامي=واذكر زمان(ن) فات فكري يرده
وقت(ن) مضالي يا هلي بأحتشامي=يوم الحبايب تهتني بالموده
بالسبعه والتسعين زهرة غرامي=وقت الربيع الريف وادي يسده
ذاك الغرام اللي مع القلب سامي=ولليوم انا ما شفت مثله ونده
كنا ترى جهال نخشى الملامي=بس الغلا بالقلب ما أحد(ن) يهده
قضيت ست سنين عاشق مرامي=شاري غلاه ومتعب القلب وده
ولجله تحملنا كثير الكلامي=وقلبي من اجله تاعس الوقت كده
واليوم ودع عزوته والعمامي=لا وا عذاب القلب منهو يرده
لفوه وسط الشاش والقلب دامي=وحطوا ثقيل ترابها فوق خده
والموت حق الله ولا به كلامي=بس البلا لا صاب منهو توده
طلال الاحيوات
عذاب القلب
العرض العادي
