مساكم الله بالخير
هذي احد القصائد الجديده لي واتمنى انها تحوز على اعجابكم
الشمري صاغ البيوت الجزيله=مالوم صدري قام في بدع الامثال
الي يبينا ماندّور بديله=والي معادينا نحده على الجال
النعم يعطى كاسبين النفيله=أهل المواقف والشدايد والافعال
من لايرافق مثلهم عزتيله=يبقى عشيرن للرخامه والانذال
لياطاح يفقد من يروم ويشيله=وليازل غنّى صاحبه فيه موال
الطيب عسر ومن بغاه يعنيله=ماياصله ياكود هاليوم رجال
وألا الردى كل الهلايم تجيله=هذاك رحّالن وهذاك نّزال
أثر الهلايم يارفيقي ذليله=هّمه ردي وتعيش في نقل الاقوال
نقل الحكي بين الخليل وخليله=تسعى لغايتها بالاقفا والاقبال
والحكي مايلطم خطاة الهبيله=لوهو يكفّي كان ماجاك عيّال
مايقنعه لوكان عنده دليله=والي معه زادو هباله هبال
الخبل عند الناس ينفض شليله=لوهو موصّى زل ويحل الاحبال
يالله تقطع هالقلوب العليله=وتستر علينا من صواديف الاحوال
وسلامتكم
اخوكم/ عـمــر الــهـمــزانــي
الــشـمـري صــاغ الـبـيـوت الـجــزيــلــه
العرض العادي
